Фота з архіва
13 студзеня, Мінск /Кар. БЕЛТА/. На экспартных біржавых таргах малочнай прадукцыяй у чацвёртым квартале 2024 года назіраўся узыходны цэнавы трэнд, абумоўлены павышаным попытам з боку замежных пакупнікоў на большасць пазіцый гэтай таварнай групы. Аб гэтым паведамілі БЕЛТА ў прэс-службе Беларускай універсальнай таварнай біржы.
У прыватнасці, біржавая каціроўка на сухое абястлушчанае малако за кастрычнік - снежань 2024 года вырасла на 22 працэнты (да 257 расійскіх рублёў за 1 кг) пры пастаўцы ў Расію і на 12 працэнтаў (да $2,47 за 1 кг) пры пастаўцы ў ЕАЭС, СНД і трэція краіны. Нязначнае зніжэнне цаны было характэрна толькі для сметанковага масла ў сувязі з узмацненнем канкурэнцыі на ключавым для Беларусі рынку збыту - Расійскай Федэрацыі, якая з мэтай стрымлівання інфляцыйных працэсаў істотна нарасціла пастаўкі масла з такіх краін, як Індыя, Іран і Турцыя. У выніку да канца 2024 года сярэднеўзважаная біржавая каціроўка на сметанковае масла 72,5 працэнта тлустасці склала 731 расійскі рубель за 1 кг, а на сметанковае масла 82,5 працэнта тлустасці - 801 расійскі рубель за 1 кг.
"Цэны на біржавых таргах фарміраваліся ў адпаведнасці з кан'юнктурай рынку і ў большасці выпадкаў перавышалі індыкатыўныя значэнні, устаноўленыя рабочай групай пры Мінсельгасхарчы. Пры гэтым за некаторыя лоты канкурыравалі да шасці замежных пакупнікоў, што дазваляла айчынным малакаперапрацоўчым прадпрыемствам нават у перыяды паніжанага попыту атрымліваць дадатковую выручку", - расказалі ў прэс-службе БУТБ.
У 2024 годзе беларускія экспарцёры рэалізавалі праз БУТБ звыш 181 тыс. т малочнай прадукцыі, што амаль у дзевяць разоў больш, чым у 2023 годзе. Асноўнымі напрамкамі паставак былі краіны СНД, Грузія, Кітай, Манголія, ААЭ, Сербія, Сінгапур і Турцыя.
ААТ "Беларуская ўніверсальная таварная біржа" створана ў 2004 годзе. Першыя таргі прайшлі ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
У прыватнасці, біржавая каціроўка на сухое абястлушчанае малако за кастрычнік - снежань 2024 года вырасла на 22 працэнты (да 257 расійскіх рублёў за 1 кг) пры пастаўцы ў Расію і на 12 працэнтаў (да $2,47 за 1 кг) пры пастаўцы ў ЕАЭС, СНД і трэція краіны. Нязначнае зніжэнне цаны было характэрна толькі для сметанковага масла ў сувязі з узмацненнем канкурэнцыі на ключавым для Беларусі рынку збыту - Расійскай Федэрацыі, якая з мэтай стрымлівання інфляцыйных працэсаў істотна нарасціла пастаўкі масла з такіх краін, як Індыя, Іран і Турцыя. У выніку да канца 2024 года сярэднеўзважаная біржавая каціроўка на сметанковае масла 72,5 працэнта тлустасці склала 731 расійскі рубель за 1 кг, а на сметанковае масла 82,5 працэнта тлустасці - 801 расійскі рубель за 1 кг.
"Цэны на біржавых таргах фарміраваліся ў адпаведнасці з кан'юнктурай рынку і ў большасці выпадкаў перавышалі індыкатыўныя значэнні, устаноўленыя рабочай групай пры Мінсельгасхарчы. Пры гэтым за некаторыя лоты канкурыравалі да шасці замежных пакупнікоў, што дазваляла айчынным малакаперапрацоўчым прадпрыемствам нават у перыяды паніжанага попыту атрымліваць дадатковую выручку", - расказалі ў прэс-службе БУТБ.
У 2024 годзе беларускія экспарцёры рэалізавалі праз БУТБ звыш 181 тыс. т малочнай прадукцыі, што амаль у дзевяць разоў больш, чым у 2023 годзе. Асноўнымі напрамкамі паставак былі краіны СНД, Грузія, Кітай, Манголія, ААЭ, Сербія, Сінгапур і Турцыя.
ААТ "Беларуская ўніверсальная таварная біржа" створана ў 2004 годзе. Першыя таргі прайшлі ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
