8 снежня, Масква /Эдуард Півавар - БЕЛТА/. Калегія Еўразійскай эканамічнай камісіі 7 снежня зацвердзіла патрабаванні па даследаваннях стабільнасці лекавых раслінных сродкаў у Еўразійскім эканамічным саюзе, паведамілі БЕЛТА ў прэс-службе ЕЭК.
"Патрабаванні ўзаемазвязаны з асноўным дакументам саюза па вывучэнні стабільнасці лекавых прэпаратаў і вызначаюць асаблівасці вывучэння стабільнасці лекавых сродкаў, што вырабляюцца з лекавай расліннай сыравіны", - адзначылі ў ЕЭК.
Прымяненне патрабаванняў вытворцамі раслінных прэпаратаў і кантралюючымі арганізацыямі дасць магчымасць гарантаваць на працягу ўсяго тэрміну прыдатнасці раслінных лекавых прэпаратаў захаванне ўсяго спектра карысных біялагічна актыўных злучэнняў і не перавышэнне дапушчальных меж колькасці прадуктаў дэградацыі і пабочных прымесей.
У ЕЭК дадалі, што раней у нацыянальным праве краін ЕАЭС не прымяняўся такі комплексны падыход да забеспячэння і кантролю якасці раслінных лекавых прэпаратаў.-0-