Фота Мінсельгасхарча
10 чэрвеня, Мінск /Кар. БЕЛТА/. Міністр сельскай гаспадаркі і харчавання Юрый Горлаў правёў рабочую сустрэчу з паслом Беларусі ў Грузіі Мікалаем Рагашчуком, учас якой былі звераны пазіцыі дзвюх краін па развіцці супрацоўніцтва ў сельскай гаспадарцы, паведамілі БЕЛТА ў прэс-службе Мінсельгасхарча.
Была адзначана дадатная дынаміка гандлёва-эканамічных сувязей паміж Беларуссю і Грузіяй: за 2024 год тавараабарот харчовых тавараў і сельскагаспадарчай сыравіны склаў 109,2 працэнта да ўзроўню 2023 года, у тым ліку тэмп росту беларускага экспарту дасягнуў адзнакі 128,6 працэнта. Яго аснову сфарміравалі мяса-малочная прадукцыя, яйкі, вырабы кандытарскай групы і іншыя віды прадуктаў харчавання, якія карыстаюцца ўстойлівым попытам на грузінскім рынку.
Як дадалі ў Міністэрстве сельскай гаспадаркі і харчавання, айчынныя перапрацоўчыя прадпрыемствы актыўна працуюць над распаўсюджваннем сваёй прадукцыі ў Грузіі, для чаго замацоўваюць ужо дзеючыя кантракты і адначасова пашыраюць партнёрскую сетку. Патэнцыял двухбаковага супрацоўніцтва асабліва высокі па такіх напрамках, як насенняводства і жывёлагадоўля, дзе Беларусь гатова прапанаваць партнёрам сучасныя тэхналогіі, якасныя тавары і напрацаваны вопыт.
У сельскагаспадарчым ведамстве лічаць, што сустрэча стала важным крокам у каардынацыі намаганняў па паглыбленні аграрнага ўзаемадзеяння і адкрыцці новых магчымасцей для беларускіх вытворцаў на грузінскім рынку.-0-
Была адзначана дадатная дынаміка гандлёва-эканамічных сувязей паміж Беларуссю і Грузіяй: за 2024 год тавараабарот харчовых тавараў і сельскагаспадарчай сыравіны склаў 109,2 працэнта да ўзроўню 2023 года, у тым ліку тэмп росту беларускага экспарту дасягнуў адзнакі 128,6 працэнта. Яго аснову сфарміравалі мяса-малочная прадукцыя, яйкі, вырабы кандытарскай групы і іншыя віды прадуктаў харчавання, якія карыстаюцца ўстойлівым попытам на грузінскім рынку.
Як дадалі ў Міністэрстве сельскай гаспадаркі і харчавання, айчынныя перапрацоўчыя прадпрыемствы актыўна працуюць над распаўсюджваннем сваёй прадукцыі ў Грузіі, для чаго замацоўваюць ужо дзеючыя кантракты і адначасова пашыраюць партнёрскую сетку. Патэнцыял двухбаковага супрацоўніцтва асабліва высокі па такіх напрамках, як насенняводства і жывёлагадоўля, дзе Беларусь гатова прапанаваць партнёрам сучасныя тэхналогіі, якасныя тавары і напрацаваны вопыт.
У сельскагаспадарчым ведамстве лічаць, што сустрэча стала важным крокам у каардынацыі намаганняў па паглыбленні аграрнага ўзаемадзеяння і адкрыцці новых магчымасцей для беларускіх вытворцаў на грузінскім рынку.-0-
Падпісвайцеся на нас у
