17 чэрвеня, Мінск /Кар. БЕЛТА/. Пасол Беларусі ў Венгрыі Уладзімір Улаховіч сустрэўся з выканаўчым дырэктарам венгерскага агенцтва па развіцці экспарту HEPA Крыштафам Сабо. Аб гэтым карэспандэнту БЕЛТА расказалі ў беларускай загранустанове ў Венгрыі.
Бакі абмеркавалі двухбаковыя гандлёва-эканамічныя адносіны, абмяняліся актуальнай інфармацыяй аб падтрымцы дзейнасці на знешніх рынках і міжнароднай бізнес-кааперацыі.
Агенцтву былі прэзентаваны інструменты і магчымасці ўзаемадзеяння НЕРА і венгерскіх кампаній з беларускімі партнёрамі, уключаючы Нацыянальны цэнтр маркетынгу і кан'юнктуры цэн, Беларускую ўніверсальную таварную біржу і іншыя, у мэтах развіцця ўзаемнага гандлю і пашырэння прафесійных кантактаў.
Па выніках сустрэчы субяседнікі пацвердзілі гатоўнасць прадаўжаць практычнае супрацоўніцтва і дамовіліся аб далейшай прапрацоўцы сумесных дзелавых мерапрыемстваў і ініцыятыў.-0-