17 ліпеня, Мінск /Кар. БЕЛТА/. З 1 ліпеня ўведзены чарговы пакет санкцый на прадукцыю, якая выпускаецца ў нашай краіне. Рэстрыкцыі закранулі мэблю і кабельную тэхніку, якія Беларусь паспяхова экспартавала ў Еўропу, абмежаванні закранулі і айчыннае сельскагаспадарчае машынабудаванне, у прыватнасці, беларускія трактары. Этап вельмі складаны, але з цяжкасцямі мы спраўляемся, заявіў у размове з журналістамі перад пачаткам урачыстай цырымоніі ўзнагароджання пераможцаў конкурсу на саісканне прэміі ўрада ў галіне якасці намеснік прэм'ер-міністра Пётр Пархомчык, перадае карэспандэнт БЕЛТА.
У першы дзень ліпеня былі ўведзены чарговыя абмежаванні на пастаўкі айчыннай прамысловай прадукцыі. На гэты раз у санкцыйны спіс трапілі мэбля беларускай вытворчасці, кабельная прадукцыя.
"Рука гэтых "таварышаў" паднялася нават на прадукцыю нашага сельгасмашынабудавання. Беларускія трактары трапілі пад санкцыі, і з 1 ліпеня не могуць пастаўляцца ў ЕС", - зрабіў акцэнт Пётр Пархомчык.
Разам з тым намеснік прэм'ер-міністра арыентаваў на тое, што будуць дадзены адэкватныя ацэнка і адказ на пастаўленыя выклікі. Сітуацыю кантралюе Прэзідэнт. І ўрад, і галіновыя міністэрствы цяпер актыўна шукаюць новыя рынкі для пераарыентацыі экспартных патокаў. У якасці перспектыўных выдзелены рынкі афрыканскіх дзяржаў. Паводле слоў віцэ-прэм'ера, праведзены ўжо адпаведныя перагаворы, справа стала за вынікам. Пры гэтым беларускі бок нацэлены не на разавыя пастаўкі сваёй прадукцыі, а на замацаванне на замежных рынках для далейшай дыверсіфікацыі і нарошчвання аб'ёмаў экспарту.
"Нас там чакаюць. Яны ўбачылі, што мы прыходзім з дабром, з добрым настроем, што мы гатовы перадаваць тэхналогіі і вучыць людзей, - заўважыў Пётр Пархомчык. - У Беларусі рэзка расце колькасць студэнтаў з іншых краін, уключаючы дзяржавы Афрыканскага кантынента. Яны бачаць нашу адкрытасць і дабрату, наша жаданне дапамагчы ім стаць суверэннымі, стварыць нацыянальную незалежную эканоміку. Гэта крок для нас у экспарце сваёй прадукцыі ў многія краіны Афрыкі, Азіі і не толькі".
Размова папярэднічала старту цырымоніі ўзнагароджання лаўрэатаў і дыпламанта прэміі ўрада ў галіне якасці. У гэтым годзе камісія адзначыла 30 беларускіх арганізацый, якія дасягнулі значных вынікаў у галіне якасці і канкурэнтаздольнасці вырабляемай прадукцыі, аказваемых паслуг або выконваемых работ, укаранення інавацыйных тэхналогій і сучасных метадаў інжынірынгу. Сем арганізацый сталі лаўрэатамі прэміі ўпершыню, 22 - пацвердзілі званне лаўрэата паўторна, яшчэ адна арганізацыя прызнана дыпламантам конкурсу.
"Бягучы этап вельмі складаны. Мы гэта адчуваем і разумеем. Вельмі важна, што са складанасцямі мы спраўляемся. Шмат пытанняў узнікла са шматразовым аб'яўленнем санкцый у наш адрас", - падкрэсліў віцэ-прэм'ер.
У першы дзень ліпеня былі ўведзены чарговыя абмежаванні на пастаўкі айчыннай прамысловай прадукцыі. На гэты раз у санкцыйны спіс трапілі мэбля беларускай вытворчасці, кабельная прадукцыя.
"Рука гэтых "таварышаў" паднялася нават на прадукцыю нашага сельгасмашынабудавання. Беларускія трактары трапілі пад санкцыі, і з 1 ліпеня не могуць пастаўляцца ў ЕС", - зрабіў акцэнт Пётр Пархомчык.
Разам з тым намеснік прэм'ер-міністра арыентаваў на тое, што будуць дадзены адэкватныя ацэнка і адказ на пастаўленыя выклікі. Сітуацыю кантралюе Прэзідэнт. І ўрад, і галіновыя міністэрствы цяпер актыўна шукаюць новыя рынкі для пераарыентацыі экспартных патокаў. У якасці перспектыўных выдзелены рынкі афрыканскіх дзяржаў. Паводле слоў віцэ-прэм'ера, праведзены ўжо адпаведныя перагаворы, справа стала за вынікам. Пры гэтым беларускі бок нацэлены не на разавыя пастаўкі сваёй прадукцыі, а на замацаванне на замежных рынках для далейшай дыверсіфікацыі і нарошчвання аб'ёмаў экспарту.
"Нас там чакаюць. Яны ўбачылі, што мы прыходзім з дабром, з добрым настроем, што мы гатовы перадаваць тэхналогіі і вучыць людзей, - заўважыў Пётр Пархомчык. - У Беларусі рэзка расце колькасць студэнтаў з іншых краін, уключаючы дзяржавы Афрыканскага кантынента. Яны бачаць нашу адкрытасць і дабрату, наша жаданне дапамагчы ім стаць суверэннымі, стварыць нацыянальную незалежную эканоміку. Гэта крок для нас у экспарце сваёй прадукцыі ў многія краіны Афрыкі, Азіі і не толькі".
Размова папярэднічала старту цырымоніі ўзнагароджання лаўрэатаў і дыпламанта прэміі ўрада ў галіне якасці. У гэтым годзе камісія адзначыла 30 беларускіх арганізацый, якія дасягнулі значных вынікаў у галіне якасці і канкурэнтаздольнасці вырабляемай прадукцыі, аказваемых паслуг або выконваемых работ, укаранення інавацыйных тэхналогій і сучасных метадаў інжынірынгу. Сем арганізацый сталі лаўрэатамі прэміі ўпершыню, 22 - пацвердзілі званне лаўрэата паўторна, яшчэ адна арганізацыя прызнана дыпламантам конкурсу.
"Мерапрыемства штогадовае, і вельмі прыемна, што наш юбілейны, 25-ы, конкурс адбыўся ў Год якасці, - падкрэсліў намеснік прэм'ер-міністра. - Выбраць 30 прадпрыемстваў няпроста, праведзена вельмі напружаная работа. Камісія доўга падводзіла вынікі ў пошуках лепшых з лепшых, а іх і праўда вельмі шмат - прадпрыемстваў, якія паспяхова прадстаўляюць краіну за межамі нашай дзяржавы".
Пётр Пархомчык прызнаўся, што не здзіўлены высокімі вынікамі сектара апрацоўчай прамысловасці, паколькі ў гэтай сферы круціцца пастаянна, але адзначыў станоўчыя змяненні ў харчовай прамысловасці рэспублікі, якая пастаянна пашырае асартымент прадуктаў харчавання, праводзіць работу па павышэнні іх якасці і спажывецкай прывабнасці.
"Да пачатку цырымоніі падыходзіў да стэнда Ваўкавыскага мясакамбіната і заўважыў у размове з прадстаўнікамі, што гандлёвыя кропкі прадпрыемства можна наведваць толькі раніцай, таму што да вечара прадукцыю ўжо разбіраюць. Значыць, пакупнік адчуў смак беларускіх прадуктаў і аддае ім перавагу", - лічыць віцэ-прэм'ер.
Намеснік прэм'ер-міністра таксама адзначыў добрую работу айчыннай навукі, многія распрацоўкі якой знаходзяць прымяненне ў рэальным сектары эканомікі.
"Праводзімы конкурс - стымул для прадпрыемстваў не проста паказаць сябе і расказаць аб сваіх дасягненнях за пэўны перыяд, гэта яшчэ і ўсведамленне адказнасці за сваю якасць, вытворчасць, рэкламу і ў цэлым праводзімую сістэмную работу па папулярызацыі прадукту або паслугі, якімі займаешся", - рэзюмаваў Пётр Пархомчык.-0-
Фота Мікалая Пятрова
Падпісвайцеся на нас у
