ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
Эканоміка
28 верасня 2022, 19:07

Пархамовіч: у Беларусі ёсць рэзервы для патаннення кошту будаўніцтва жылля ў сельскай мясцовасці

Фота з архіва
Фота з архіва

28 верасня, Мінск /Кар. БЕЛТА/. У Беларусі ёсць рэзервы для патаннення кошту будаўніцтва жылля ў сельскай мясцовасці. Аб гэтым пасля нарады ў Савеце Міністраў пад старшынствам прэм'ер-міністра Рамана Галоўчанкі расказаў міністр архітэктуры і будаўніцтва Руслан Пархамовіч. Відэакаментарый размешчаны ў Telegram-канале ўрада, паведамляе БЕЛТА.

Руслан Пархамовіч расказаў, што будаўніцтва жылля, у тым ліку ў сельскай мясцовасці, ажыццяўляецца з розных матэрыялаў: жалезабетонныя вырабы, керамічная і сілікатная цэгла, газасілікатныя блокі і драўляныя канструкцыі. "Магу адназначна сказаць, што ўдзельная вага драўніны ў любых канструкцыях даволі вялікая. Таму мы ўважліва разглядаем цэны на драўляныя вырабы. Ёсць пэўныя рэзервы для таго, каб сэканоміць на кошце жылля ў сельскай мясцовасці, - адзначыў ён. - Мы цяпер правядзём пэўныя разлікі ў частцы цэн на ўсё, што ўключана ў будаўніцтва, і будзем вызначацца, па якім кошце будзе зручна рэалізоўваць гэтыя тавары людзям у сельскай мясцовасці".

Раней у прэс-службе Савета Міністраў паведамілі, што свае прапановы па патанненні кошту драўніны для будаўніцтва жылля ў сельскай мясцовасці ўрад павінен унесці да 1 сакавіка 2023 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі