Мабільная версія
ДЗЯРЖОРГАНЫ

Апошнія навіны
Усе навіны

Парадак рэалізацыі пілотнага праекта па маркіроўцы ювелірных вырабаў вызначаны ў Беларусі

Эканоміка 11.10.2019 | 11:28
Фота з архіва
Фота з архіва

11 кастрычніка, Мінск /Кар. БЕЛТА/. Правілы рэалізацыі пілотнага праекта па маркіроўцы ювелірных вырабаў зацверджаны ў Беларусі. Гэта прадугледжана пастановай Міністэрства фінансаў ад 15 жніўня 2019 года нумар 47, апублікаванай на Нацыянальным прававым партале, паведамляе БЕЛТА.

У дакуменце дадзены азначэнні асноўных тэрмінаў, названы спосабы і тэрміны маркіроўкі тавараў. Таксама апісваецца абсталяванне, якое выкарыстоўваецца для нанясення і счытвання кодаў ідэнтыфікацыі.

Устанаўліваецца парадак рэгістрацыі ўдзельнікаў пілотнага праекта і ўпаўнаважаных органаў у аўтаматызаванай інфармацыйнай сістэме (АІС), а таксама парадак маркіроўкі, маніторынгу руху вырабаў, набыцця, вытворчасці і рэалізацыі знакаў абароны.

Акрамя таго, у правілах прадстаўлены склад і аб'ём звестак аб маркіраванай прадукцыі, змешчаных у інфармацыйных сэрвісах і даступных зацікаўленым асобам. Замацавана ўзаемадзеянне АІС з інфармацыйнымі сістэмамі ўпаўнаважаных органаў.

Як паведамлялася раней, пілотны праект рэалізуюць у Беларусі з 1 верасня 2019 года да 31 жніўня 2020-га на добраахвотнай аснове. Да яго падключаны міністэрствы фінансаў, па падатках і зборах, антыманапольнага рэгулявання і гандлю, сувязі і інфарматызацыі і Дзяржаўны мытны камітэт. Маркіроўка складаецца са знака абароны і кода ідэнтыфікацыі.

Выдавецтва "Белбланкавыд" з'яўляецца аператарам АІС, доступ да сістэмы прадастаўляецца бясплатна.

Па выніках пілотнага праекта будзе прынята рашэнне аб мэтазгоднасці ўвядзення на тэрыторыі Беларусі абавязковай маркіроўкі ювелірных вырабаў.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.