ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +20°C
Усе навіны
Усе навіны
Эканоміка
07 ліпеня 2022, 09:02

Пагадненне аб стварэнні тэхналагічнай платформы ў сферы грамадзянскага авіябудавання падпісана ў ЕАЭС

Фота eurasiancommission.org
Фота eurasiancommission.org

7 ліпеня, Масква /Эдуард Півавар - БЕЛТА/. Пагадненне аб стварэнні еўразійскай тэхналагічнай платформы "Грамадзянскае авіябудаванне" падпісана на пасяджэнні Савета па прамысловай палітыцы Еўразійскага эканамічнага саюза, які прайшоў на палях міжнароднай выстаўкі "Інапрам-2022" у Екацярынбургу. Аб гэтым БЕЛТА паведамілі ў прэс-службе Еўразійскай эканамічнай камісіі.

Дакумент падпісалі баранавіцкі Авіярамонтны завод нумар 558 (Беларусь), ульянаўскі Цэнтр кампетэнцый развіцця прамысловасці (Расія) і ТАА "Казахстанская авіяцыйная індустрыя".

"Еўразійская тэхплатформа аб'яднае намаганні галіновых ВНУ і НДІ, прамысловых прадпрыемстваў, асацыяцый, кампетэнтных дзяржорганаў і інстытутаў развіцця пры каардынацыі Еўразійскай эканамічнай камісіі, - сказаў член Калегіі (міністр) па прамысловасці і АПК Артак Камалян. - У лютым гэтага года прэм'ер-міністры нашых краін зацвердзілі дарожную карту па пашырэнні прамысловага супрацоўніцтва ў галіне грамадзянскага авіябудавання ў дзяржавах - членах ЕАЭС на 2022-2023 гады. Падпісанне пагаднення аб стварэнні еўразійскай тэхплатформы стала яшчэ адным крокам на шляху яе рэалізацыі".

Савет па прамысловай палітыцы - дапаможны орган Еўразійскага эканамічнага саюза, створаны рашэннем Вышэйшага Еўразійскага эканамічнага савета 29 мая 2019 года для забеспячэння эфектыўнага ўзаемадзеяння дзяржаў - членаў ЕАЭС па рэалізацыі скаардынаванай прамысловай палітыкі, выпрацоўцы стратэгій і напрамкаў развіцця прамысловага комплексу саюза, а таксама для паглыблення еўразійскай эканамічнай інтэграцыі. У пасяджэннях савета прымаюць удзел міністры прамысловасці краін саюза і міністр ЕЭК Артак Камалян.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі