Сцяг Аўторак, 28 мая 2024
Усе навіны
Усе навіны
Эканоміка
28 лютага 2023, 19:31

Падпісаны міжурадавыя пагадненні па фарміраванні цаны на расійскі газ для Беларусі да 2025 года

28 лютага, Мінск /Кар. БЕЛТА/. Падпісаны міжурадавыя пагадненні, якія вызначаюць умовы фарміравання цаны на расійскі газ для Беларусі і нацэнкі ААТ "Белтрансгаз" на перыяд да 2025 года ўключна, паведамілі БЕЛТА ў прэс-службе Мінэнерга.

У Маскве адбылася рабочая сустрэча міністра энергетыкі Беларусі Віктара Каранкевіча і міністра энергетыкі Расіі Мікалая Шульгінова. Абмеркаваны пытанні двухбаковага супрацоўніцтва ў сферы энергетыкі, у тым ліку ход рэалізацыі саюзных праграм па фарміраванні аб'яднаных рынкаў электраэнергіі і прыроднага газу.

Па выніках сустрэчы падпісаны пратакол аб унясенні змяненняў у міжурадавае пагадненне аб парадку фарміравання цэн (тарыфаў) пры пастаўцы прыроднага газу ў Беларусь і яго транспарціроўцы па газаправодах, размешчаных на яе тэрыторыі, ад 25 лістапада 2011 года, а таксама пратакол аб унясенні змяненняў у міжурадавае пагадненне аб умовах куплі-продажу акцый і далейшай дзейнасці ААТ "Белтрансгаз" ад 25 лістапада 2011 года.

Падпісаныя дакументы канчаткова замацоўваюць дамоўленасці кіраўнікоў дзяржаў Беларусі і Расіі, дасягнутыя 19 снежня 2022 года, аб захаванні да 31 снежня 2025 года ўмоў пастаўкі прыроднага газу з Расійскай Федэрацыі ў Рэспубліку Беларусь на ўзроўні 2022 года.-0-

Падпісвайцеся на нас у
Twitter
Топ-навіны
Свежыя навіны Беларусі