24 чэрвеня, Мінск /Кар. БЕЛТА/. Электронны фармат закупак у Беларусі не абмяжоўвае ўдзелу ў іх замежных пастаўшчыкоў, паведамілі БЕЛТА ў прэс-службе Нацыянальнага цэнтра маркетынгу.
Спецыялісты НЦМ прынялі ўдзел у мерапрыемстве, прысвечаным беларуска-венгерскаму эканамічнаму і дзелавому супрацоўніцтву. Сустрэча была арганізавана дзелавым клубам "Усходняя Еўропа" пры ўдзеле пасольства Беларусі ў Венгрыі. Венгерскім прадпрыемствам была прадстаўлена інфармацыя аб асноўных характарыстыках беларускага рынку, найбольш перспектыўных напрамках супрацоўніцтва.
Нацыянальны цэнтр маркетынгу прэзентаваў шляхі ўзаемадзеяння ў частцы аказання садзейнічання замежным кампаніям у пошуку партнёраў на тэрыторыі Беларусі, у тым ліку праз удзел у працэдурах закупак. У цэнтры адзначылі, што электронны фармат ажыццяўлення закупак у Беларусі не абмяжоўвае магчымасці замежных пастаўшчыкоў па ўдзеле ў іх: засведчвальны цэнтр Нацыянальнага цэнтра маркетынгу выдае электронныя лічбавыя подпісы ўсім зацікаўленым.-0-
