1 чэрвеня, Мінск /Кар. БЕЛТА/. Новыя цэны на газ і тарыфы на электраэнергію дзейнічаюць у Беларусі з 1 чэрвеня. Гэта прадугледжана пастановай Савета Міністраў ад 28 снежня 2019 года нумар 933, паведамляе БЕЛТА.
Прыродны газ
Устаноўлена новая цана на газ, які выкарыстоўваецца з устаноўленымі прыборамі індывідуальнага ўліку. Пры наяўнасці індывідуальных газавых абагравальных прыбораў яна складзе Br0,1271 у ацяпляльны перыяд з 1 чэрвеня па 31 снежня ўключна (з 1 студзеня па 31 мая было Br0,1205). У летні перыяд газ будзе каштаваць Br0,4213 за кубаметр. Пры адсутнасці індывідуальных газавых прыбораў цана складзе Br0,4213 за кубаметр газу незалежна ад сезона.
У жыллі, дзе ёсць індывідуальныя газавыя абагравальныя прыборы (і няма прыбораў індывідуальнага ўліку расходу газу), з 1 чэрвеня па 31 снежня ў ацяпляльны перыяд давядзецца плаціць Br0,5936 (з 1 студзеня па 31 мая было Br0,532) за 1 кв.м агульнай плошчы жылога памяшкання ў месяц, у астатні час - Br0,2226 (раней было Br0,1995).
Звадкаваны газ
Кубаметр звадкаванага газу ў кватэрах і дамах з устаноўленымі прыборамі індывідуальнага ўліку расходу газу і індывідуальнымі газавымі абагравальнымі прыборамі будзе каштаваць Br2,1628 у ацяпляльны сезон з 1 чэрвеня па 31 снежня (з 1 студзеня па 31 мая цана складала Br1,9563). У летні перыяд цана будзе Br1,1409. Пры адсутнасці індывідуальных газавых абагравальных прыбораў 1 куб.м таксама будзе каштаваць Br1,1409.
Цана на звадкаваны газ у жыллі, дзе ёсць індывідуальныя газавыя абагравальныя прыборы (і няма прыбораў індывідуальнага ўліку расходу газу), у ацяпляльны сезон складзе з 1 чэрвеня па 31 снежня ўключна Br7,0314 (з 1 студзеня па 31 мая было Br6,3021). У летні перыяд яна будзе Br1,1409.
Электраэнергія
Павышаецца кошт электрычнай энергіі для патрэб ацяплення і гарачага водазабеспячэння ў жыллі з электрычнымі плітамі, не абсталяваным сістэмамі цэнтралізаванага цепла- і газазабеспячэння, пры адсутнасці асобнага прыбора індывідуальнага ўліку. З 1 чэрвеня па 31 снежня аднаставачны тарыф складзе Br0,0834 (з 1 студзеня па 31 мая было Br0,0809). Дыферэнцыраваны тарыф па двух часавых перыядах у такіх жылых памяшканнях у перыяд мінімальных нагрузак (з 23.00 да 6.00) будзе Br0,0584 за 1 кВт.гадз (было Br0,0566), а ў астатні час сутак - Br0,1084 (было Br0,1052).
Электраэнергія для патрэб ацяплення і гарачага водазабеспячэння ў дамах і кватэрах без сістэм цэнтралізаванага газа- і цеплазабеспячэння пры наяўнасці асобнага прыбора індывідуальнага ўліку будзе каштаваць Br0,0374 з 1 чэрвеня да 31 снежня ўключна (з 1 студзеня па 31 мая было Br0,0335).-0-
