Сцяг Пятніца, 29 сакавіка 2024
Усе навіны
Усе навіны
Эканоміка
24 студзеня 2023, 12:19

Новыя рэзідэнты "Вялікага каменя" будуць весці распрацоўкі ў энергетыцы і выпускаць абсталяванне для АПК

24 студзеня, Мінск /Кар. БЕЛТА/. Новыя рэзідэнты "Вялікага каменя" будуць весці навуковыя распрацоўкі ў энергетыцы і выпускаць абсталяванне для сельскай гаспадаркі, паведамілі карэспандэнту БЕЛТА ў індустрыяльным парку.

Сёння ў "Вялікім камені" зарэгістраваны новыя рэзідэнты з капіталам з Беларусі.

ТАА "ФармАграСэрвіс" будзе вырабляць абсталяванне і матэрыялы для ветэрынарыі і сельскай гаспадаркі. Прадукцыя мае імпартазамяшчальны характар і прызначана для ўнутранага рынку, а таксама будзе пастаўляцца на экспарт у краіны ЕАЭС.

ТАА "АркаЛаб" створыць мультыпрофільную лабараторыю, дзе будуць весціся навуковыя даследаванні ў галіне прамысловасці і энергетыкі. Рэзідэнт парка супрацоўнічае з вядучымі ВНУ Беларусі, з'яўляецца пастаўшчыком шэрага тэхнічных рашэнняў для паскаральнага комплексу NICA (праекта Аб'яднанага інстытута ядзерных даследаванняў, РФ).

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.-0-

Падпісвайцеся на нас у
Twitter
Топ-навіны
Свежыя навіны Беларусі