ДЗЯРЖОРГАНЫДЗЯРЖОРГАНЫ
Флаг Аўторак, 5 снежня 2023
Мінск -7°C
Усе навіны
Усе навіны
Эканоміка
20 лістапада 2023, 16:31

Новы пасол Беларусі расказаў пра комплекс мер для бесперашкоднага руху нашых тавараў у КНР

Аляксандр Чарвякоў
Аляксандр Чарвякоў

20 лістапада, Мінск /Аліна Грышкевіч - БЕЛТА/. Беларусь і Кітай будуць нарошчваць гандлёва-эканамічнае ўзаемадзеянне. Гэта падкрэсліў, адказваючы на пытанне БЕЛТА, Аляксандр Чарвякоў, назначаны Надзвычайным і Паўнамоцным Паслом Рэспублікі Беларусь у Кітайскай Народнай Рэспубліцы.

Кіраўнік дыпламатычнай місіі звярнуў увагу, што паміж Беларуссю і Кітаем устаноўлены высокі ўзровень адносін - усепагоднае і ўсебаковае стратэгічнае партнёрства.

"Кітай для нас адзін з галоўных стратэгічных партнёраў. Літаральна за дзесяцігоддзе наш тавараабарот узрос практычна ў 1,7 раза. У мінулым годзе гэты паказчык дасягнуў $5,7 млрд, - сказаў дыпламат. - У гэтым годзе па экспарце ў нас каля $1,4 млрд пры тым, што за ўвесь мінулы год нашы пастаўкі складалі $1,6 млрд".

"Мы бачым, як актыўна пачынаюць працаваць з кітайскім рынкам нашы прадпрыемствы, хоць ёсць і пэўныя складанасці - гэта і адлегласць, і моўны бар'ер", - звярнуў увагу новы пасол Беларусі ў КНР.

Ён падкрэсліў, што кіраўнік дзяржавы паставіў задачы па зняцці бар'ераў і павелічэнні беларуска-кітайскага тавараабароту. "Гэта першы блок, які звязаны з эканомікай, - сказаў Аляксандр Чарвякоў. - Такіх блокаў Прэзідэнт абазначыў тры - гандлёва-эканамічны, палітычны і гуманітарны. Па гэтым тром блокам пастаўлены пэўныя задачы. Але стрыжнем з'яўляецца эканоміка. У першую чаргу намаганні будуць накіраваны на тое, каб нашы эканамічныя сувязі пашыраліся і паглыбляліся".

"На наступны год нашай мэтай з'яўляецца дасягненне $2,5 млрд экспарту, - прадоўжыў ён. - І на дасягненне гэтай мэты мы будзем працаваць. А для гэтага неабходна выбудаваць правільную лагістыку, зняць бар'еры на шляху, забяспечыць каналы паставак і фінансавання. Гэтыя пытанні павінны разглядацца ў комплексе і па кожным з напрамкаў павінны быць прыняты меры, якія забяспечаць бесперашкодны рух тавараў і грошай".

Аляксандр Чарвякоў, які да гэтага працаваў міністрам эканомікі, падкрэсліў: "Пастаўленыя Прэзідэнтам задачы ёмістыя, зразумелыя. І для таго, каб іх выканаць, нам трэба закасваць рукавы і працаваць", - рэзюмаваў пасол Беларусі ў КНР.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі