Аляксандр Пшонны
4 красавіка, Мінск /Кар. БЕЛТА/. Санкцыйныя абмежаванні істотна закранулі ўсе прадпрыемствы дрэваапрацоўчай прамысловасці. Аб гэтым расказаў журналістам Аляксандр Пшонны, які сёння ўзгоднены Прэзідэнтам Беларусі на пасаду старшыні канцэрна "Беллеспаперапрам", перадае карэспандэнт БЕЛТА.
"На сённяшні дзень сітуацыя на нашых прадпрыемствах паляпшаецца, яны адаптуюцца, - сказаў ён. - Знаходзім новыя рынкі збыту. І паступова паляпшаецца сітуацыя і на прыватных, і на дзяржаўных прадпрыемствах у сферы дрэваапрацоўкі".
Пры гэтым кіраўнік звярнуў увагу: "Адзіная праблема або абмежавальны фактар, які істотна ўплывае на хуткасць і паспяховасць рэалізацыі ўсіх нашых праектаў - гэта тое, што ў Расійскай Федэрацыі такія ж санкцыйныя абмежаванні, і Расія сама з'яўляецца буйнейшым вытворцам той прадукцыі, якую вырабляем і мы".
"Таму, калі абмежавалі поўнасцю вываз нашай прадукцыі, якую пастаўляем у еўрапейскія краіны, ва Украіну, давялося пераарыентавацца ў асноўным у Расію і праз яе ў нашы дружалюбныя краіны Сярэдняй Азііі, Кітай", - прадоўжыў ён.
"На сённяшні дзень сітуацыя на нашых прадпрыемствах паляпшаецца, яны адаптуюцца, - сказаў ён. - Знаходзім новыя рынкі збыту. І паступова паляпшаецца сітуацыя і на прыватных, і на дзяржаўных прадпрыемствах у сферы дрэваапрацоўкі".
Пры гэтым кіраўнік звярнуў увагу: "Адзіная праблема або абмежавальны фактар, які істотна ўплывае на хуткасць і паспяховасць рэалізацыі ўсіх нашых праектаў - гэта тое, што ў Расійскай Федэрацыі такія ж санкцыйныя абмежаванні, і Расія сама з'яўляецца буйнейшым вытворцам той прадукцыі, якую вырабляем і мы".
"Таму, калі абмежавалі поўнасцю вываз нашай прадукцыі, якую пастаўляем у еўрапейскія краіны, ва Украіну, давялося пераарыентавацца ў асноўным у Расію і праз яе ў нашы дружалюбныя краіны Сярэдняй Азііі, Кітай", - прадоўжыў ён.
"На сённяшні дзень мы ўжо ў Расію пастаўляем больш за 60 працэнтаў усёй выпускаемай прадукцыі дрэваапрацоўчай прамысловасці, - адзначыў Аляксандр Пшонны. - Атрымліваецца, што нягледзячы на мінусы, якія ў нас былі з самага пачатку, мы ўсё ж такі паступова адаптуемся да гэтай сітуацыі. На сённяшні дзень найбольш праблемныя прадпрыемствы тыя, у каго партфель прадуктаў больш падпадае пад санкцыйнае абмежаванне, гэта фанера і пліты МДФ".
Аляксандр Пшонны расказаў таксама: "Нашымі партнёрамі мы бачым краіны Сярэдняй Азіі, Казахстан, Узбекістан, Таджыкістан. Мы бачым там істотны рост паставак. І, вядома ж, гэта Кітайская Народная Рэспубліка".-0-
