Сцяг Пятніца, 29 сакавіка 2024
Усе навіны
Усе навіны
Эканоміка
31 сакавіка 2021, 14:07

Новы дзяржстандарт на клінінгавыя паслугі ўводзіцца ў Беларусі з 1 красавіка

31 сакавіка, Мінск /Кар. БЕЛТА/. З 1 красавіка ў Беларусі ўводзіцца новы дзяржаўны стандарт на клінінгавыя паслугі, паведамілі БЕЛТА ў прэс-службе Дзяржаўнага камітэта па стандартызацыі.

"Яшчэ некалькі дзесяцігоддзяў таму клінінг быў запатрабаваны толькі асобнымі буйнымі кампаніямі, а сёння ён карыстаецца попытам і ў прыватных, і ў дзяржаўных арганізацый: прамысловых прадпрыемстваў, гандлёвых сетак, адміністрацыйных аб'ектаў, устаноў адукацыі і медыцыны ды і ў жыхароў дамоў і кватэр таксама. Стала актуальным вызначэнне патрабаванняў да такіх паслуг і крытэрыяў ацэнкі іх якасці. Для садзейнічання развіццю добрасумленнай канкурэнцыі і абароны інтарэсаў спажыўцоў у Беларусі з 1 красавіка 2021 года ўводзіцца ў дзеянне новы дзяржстандарт на клінінгавыя паслугі", - расказалі ў прэс-службе.

Распрацоўшчык стандарту - Беларускі дзяржаўны інстытут стандартызацыі і сертыфікацыі (БелДІСС).

СТБ 2580-2020 "Паслугі прафесійнага прыбірання. Агульныя тэхнічныя ўмовы" ўстанаўлівае агульныя тэхнічныя ўмовы да прадастаўлення паслуг прафесійнага прыбірання, іх бяспекі для жыцця і здароўя спажыўцоў, захаванасці маёмасці і навакольнага асяроддзя. Ён распаўсюджваецца на паслугі, якія аказваюцца юрыдычнымі асобамі і індывідуальнымі прадпрымальнікамі.

"Пры распрацоўцы дакумента была ўлічана існуючая ў краіне практыка, патрабаванні дзеючых заканадаўчых актаў, нарматыўных прававых і тэхнічных нарматыўных прававых актаў, а таксама расійскі вопыт", - расказалі ў камітэце.

Пад паслугамі прафесійнага прыбірання маецца на ўвазе дзейнасць па падтрыманні, захаванні і аднаўленні эстэтычных і эксплуатацыйных уласцівасцей розных паверхняў аб'ектаў нерухомай маёмасці, тэрыторый, транспарту, выдаленні забруджванняў і падтрыманні санітарнага стану аб'ектаў у адпаведнасці з патрэбамі спажыўцоў.

У СТБ 2580-2020 вызначаны сферы дзейнасці, дзе могуць аказвацца паслугі прафесійнага прыбірання, устаноўлены дакладныя патрабаванні да розных відаў прыбірання, апрацоўкі паверхняў, а таксама да якасці паслуг, метады яго кантролю.

Асаблівая ўвага ўдзелена патрабаванням да персаналу, яго навучанню, кваліфікацыі і прафесійнай падрыхтоўцы, паколькі гэта адзін з ключавых фактараў паспяховай работы клінінгавай кампаніі.

Паслугі прафесійнага прыбірання аб'ектаў нерухомай маёмасці класіфікаваны на паслябудаўнічае, генеральнае, першаснае, аднаразовае, інтэнсіўнае і штодзённае прыбіранне. У залежнасці ад прымяняльнага інвентару яно можа быць ручное або механізаванае, ад віду забруджванняў - сухое, вільготнае або мокрае.

У стандарце вызначаецца, якім чынам ацэньваецца якасць прадастаўленых паслуг. Для спецыяльных аб'ектаў могуць прымяняцца не толькі візуальныя, але і інструментальныя метады кантролю.

"Прымяненне новага стандарту будзе садзейнічаць павышэнню якасці і бяспекі паслуг прафесійнага прыбірання, дазволіць заказчыку дакладна сфармуляваць свае патрабаванні ў адносінах да выканаўцы паслуг, а клінінгавым кампаніям - павысіць давер спажыўцоў і ўзровень якасці аказваемых паслуг", - падкрэслілі ў прэс-службе.

Наяўнасць СТБ 2580-2020 таксама дасць магчымасць ажыццяўляць добраахвотную сертыфікацыю паслуг прафесійнага прыбірання на адпаведнасць яго патрабаванням. Цяпер работы па акрэдытацыі органа па сертыфікацыі гэтых паслуг праводзіць БелДІСС.-0-

Падпісвайцеся на нас у
Twitter
Топ-навіны
Свежыя навіны Беларусі