ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Эканоміка
24 студзеня 2023, 14:38

Новасібірскае прадпрыемства па выпуску аэразоляў мае намер нарасціць закупкі белай бляхі ў завода ў Мёрах

Фота прэс-службы пасольства Беларусі ў Расіі
Фота прэс-службы пасольства Беларусі ў Расіі

24 студзеня, Масква /Эдуард Півавар - БЕЛТА/. АТ "Сібіяр", якое з'яўляецца ў Расіі буйным заводам па выпуску бытавой аэразольнай прадукцыі і парфумерна-касметычных сродкаў, мае намер нарасціць закупкі белай бляхі ў беларускага завода. Аб гэтым БЕЛТА паведамілі ў прэс-службе пасольства Беларусі ў Расіі па выніках наведвання гэтага прадпрыемства паслом Дзмітрыем Крутым.

Паводле інфармацыі кіраўніцтва завода, 30 працэнтаў яго прадукцыі пастаўляецца ў Беларусь. "У канцы 2022 года прадпрыемства закупіла пробную партыю белай бляхі Мёрскага металапракатнага завода (Беларусь) для вытворчасці аэразольных балонаў. Якасць беларускага металу цалкам задаволіла расійскіх партнёраў, і цяпер прапрацоўваецца пытанне аб павелічэнні паставак. Саюзная прамкааперацыя ў дзеянні", - расказалі ў дыпмісіі.

Падчас рабочай паездкі ў Новасібірскую вобласць 23-24 студзеня Дзмітрый Крутой таксама наведаў Гандлёвы дом МТЗ-Сібір. "У асартыменце гандлёвага дома прадстаўлена больш за 100 мадыфікацый трактароў у больш як 200-х зборачных варыянтах. Кожная з мадыфікацый ствараецца з улікам канкрэтных кліматычных зон і ўмоў эксплуатацыі. Усе трактары BELARUS вызначаюцца шырокімі магчымасцямі ў частцы агрэгатавання з навясным і прычапным абсталяваннем іншых вытворцаў", - адзначылі ў прэс-службе.

Акрамя таго, сёння пасол пабываў на заводзе "Сібэлектрапрывод" - буйнейшым ва Урала-Сібірскім рэгіёне вытворцу цягавых электрычных машын сярэдняй магутнасці. Прадпрыемства мае і шматгадовы паспяховы вопыт супрацоўніцтва з БЕЛАЗам. "Са станоўчага боку зарэкамендавалі сябе ў спажыўцоў электрапрыводы на кар'ерныя автосамосвалы грузападымальнасцю 130 і 220 т", - канстатавалі ў пасольстве.

Напярэдадні кіраўнік дыпмісіі правёў перагаворы з губернатарам Новасібірскай вобласці Андрэем Траўнікавым, мэрам Новасібірска Анатолем Локцем, наведаў Сібірскае аддзяленне Расійскай акадэміі навук, дзе сустрэўся з яго старшынёй Валянцінам Пармонам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі