ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск -3°C
Усе навіны
Усе навіны
Эканоміка
28 кастрычніка 2021, 18:22

Ніжэвіч: стаўка на развіццё імпартазамяшчальных вытворчасцей у прамсектары паказала свае перавагі

Фота з архіва
Фота з архіва

28 кастрычніка, Мінск /Кар. БЕЛТА/. Стаўка на развіццё імпартазамяшчальных вытворчасцей у прамсектары паказала свае перавагі. Такую думку БЕЛТА выказала старшыня Пастаяннай камісіі па бюджэце і фінансах Палаты прадстаўнікоў Людміла Ніжэвіч, каменціруючы даклад намесніка прэм'ер-міністра Юрыя Назарава "Аб выніках работы прамысловага, нафтахімічнага, энергетычнага комплексаў і перспектывах развіцця гэтых сегментаў эканомікі ў рамках існуючых сусветных тэндэнцый" на сумесным пасяджэнні палат Нацыянальнага сходу Беларусі ў Авальнай зале Дома ўрада.

"Безумоўна, санкцыйны націск - гэта выклік для любой краіны. Але калі паглядзець на міжнародны вопыт, вопыт нашых бліжэйшых суседзяў - Расіі, то гэта і магчымасць для эканомікі, атрымаўшы, скажам так, своеасаблівы штуршок перагледзець перспектывы развіцця, падышоўшы бліжэй у тым ліку і да пытанняў імпартазамяшчэння, што ў існуючых умовах набывае першараднае значэнне. У нашым выпадку стаўка на развіццё ўласных імпартазамяшчальных вытворчасцей у прамысловым сектары ўжо ў кароткі перыяд часу паказала свае перавагі і дазволіла не толькі захаваць айчынную прамысловую вытворчасць, але і зазірнуць далёка наперад", - сказала Людміла Ніжэвіч.

Дэпутат дадала: "Відавочна, што стварэнне дзяржаўнай карпарацыі сельскагаспадарчага машынабудавання, рэалізацыя праграмы развіцця электратранспарту, мерапрыемстваў па развіцці нафтавай, лясной галіны, дрэваапрацоўчай прамысловасці, ваенна-прамысловага комплексу прызначана стаць трывалым фундаментам айчыннай эканомікі і дасць магчымасць дастойна процістаяць знешнім выклікам".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі