Сцяг Аўторак, 23 ліпеня 2024
Усе навіны
Усе навіны
Эканоміка
10 чэрвеня 2024, 14:17

Некаторае імпартнае абсталяванне і камплектуючыя вызваляць ад ПДВ. Саўмін вызначыў пералік

Фота з архіва
Фота з архіва
10 чэрвеня, Мінск /Кар. БЕЛТА/. Пастановай Савета Міністраў ад 5 чэрвеня нумар 408 устаноўлены пералік тэхналагічнага абсталявання, камплектуючых і запасных частак да яго, якія вызваляюцца ад падатку на дабаўленую вартасць у адпаведнасці з указам Прэзідэнта Беларусі ад 4 сакавіка нумар 77 "Аб вызваленні ад падатку на дабаўленую вартасць", паведамляе БЕЛТА са спасылкай на Нацыянальны прававы інтэрнэт-партал.

Адзіны пералік адміністрацыйных працэдур, што ажыццяўляюцца ў адносінах да суб'ектаў гаспадарання, дапоўнены пазіцыяй "Атрыманне заключэння аб адсутнасці ў Рэспубліцы Беларусь вытворчасці аналагаў тэхналагічнага абсталявання, камплектуючых і запасных частак да яго". На выдачу адпаведнага дакумента ўпаўнаважана Мінскае аддзяленне БелГПП, тэрмін выдачы - 15 рабочых дзён.

Як было адзначана, указ нумар 77 прыняты для стымулявання мадэрнізацыі вытворчасцей і павышэння канкурэнтаздольнасці эканомікі. Прававым актам устаноўлена, што пры ўвозе на тэрыторыю Беларусі вызваляюцца ад падатку на дабаўленую вартасць тэхналагічнае абсталяванне, камплектуючыя і запасныя часткі да яго, уключаныя ў пералік Савета Міністраў тэхналагічнага абсталявання, камплектуючых і запасных частак да яго, аналагі якіх не вырабляюцца ў рэспубліцы.

Пастанова нумар 408 уступіла ў сілу 7 чэрвеня.-0-
Падпісвайцеся на нас у
Twitter
Топ-навіны
Свежыя навіны Беларусі