Мабільная версія
ДЗЯРЖОРГАНЫ

Апошнія навіны
Усе навіны

Нацыянальны цэнтр маркетынгу праводзіць навучальныя мерапрыемствы па новых правілах дзяржзакупак

Эканоміка 23.07.2019 | 14:11
Фота з архіва
Фота з архіва

23 ліпеня, Мінск /Кар. БЕЛТА/. Нацыянальны цэнтр маркетынгу МЗС Беларусі праводзіць серыю навучальных мерапрыемстваў па новых правілах дзяржзакупак, паведамілі БЕЛТА ў прэс-службе Нацыянальнага цэнтра маркетынгу.

З 1 ліпеня ўступілі ў сілу змяненні ў сістэме дзяржаўных закупак, пачала працаваць Дзяржаўная інфармацыйна-аналітычная сістэма (ДІАС), аператарам якой вызначаны Нацыянальны цэнтр маркетынгу МЗС Беларусі.

ДІАС цяпер аналізуе ўвесь жыццёвы цыкл закупак, пачынаючы з планавання і завяршаючы выкананнем кантрактаў. Але ў сувязі з пераходным перыядам і змяненнем парадку размяшчэння інфармацыі аб закупках у карыстальнікаў інфармацыйнай сістэмы ўзнікае шмат пытанняў, звязаных з адаптацыяй да новаўвядзенняў. Таму для навучання кіраўнікоў і спецыялістаў арганізацый Нацыянальны цэнтр маркетынгу арганізаваў ва ўсіх аблвыканкамах бясплатныя практычныя заняткі па размяшчэнні гадавых планаў дзяржзакупак на электроннай гандлёвай пляцоўцы і іншых пытаннях у сферы закупак. Пачуць растлумачэнні непасрэдна ад аператара ДІАС у абласных цэнтрах выказалі жаданне больш як 2,5 тыс. прадстаўнікоў арганізацый і прадпрыемстваў. 25 ліпеня навучальнае мерапрыемства пройдзе і на базе Мінаблвыканкама.

Для інфармацыйнай падтрымкі карыстальнікаў электроннай гандлёвай пляцоўкі Нацыянальнага цэнтра маркетынгу арганізавана работа кол-цэнтра, дзе спецыялісты даюць растлумачэнні па складанні і размяшчэнні гадавога плана дзяржаўных закупак, дакументацыі да закупак, у тым ліку даведкі па закупцы з адной крыніцы, і іншых пытаннях.

"Змяненне рэгулюючага дзяржаўныя закупкі заканадаўства прынясе адчувальныя перавагі: павышэнне празрыстасці і эфектыўнасці дзяржаўных закупак, зніжэнне аперацыйных выдаткаў для пакупнікоў і прадаўцоў. Але каб эфектыўна дзейнічаць па новых правілах, ад удзельнікаў працэсу закупак патрабуецца пэўная адаптацыя да новай сістэмы. Спецыялісты Нацыянальнага цэнтра маркетынгу гатовы аказаць прафесійную падтрымку карыстальнікам, садзейнічаць павышэнню кваліфікацыі ўдзельнікаў сістэмы дзяржаўных закупак", - падкрэслілі ў прэс-службе.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).