Сцяг Чацвер, 28 сакавіка 2024
Усе навіны
Усе навіны
Эканоміка
14 кастрычніка 2020, 13:06

Нацбанк захаваў стаўку рэфінансавання на ўзроўні 7,75 працэнта

14 кастрычніка, Мінск /Кар. БЕЛТА/. Стаўка рэфінансавання захоўваецца на ўзроўні 7,75 працэнта гадавых, паведамілі БЕЛТА ва ўпраўленні інфармацыі і грамадскіх сувязей Нацыянальнага банка Беларусі.

"Стаўка рэфінансавання і працэнтныя стаўкі па аперацыях рэгулявання ліквіднасці Нацбанка захоўваюцца на бягучым узроўні. Адпаведныя рашэнні прыняты праўленнем Нацыянальнага банка па выніках дадатковага пасяджэння па грашова-крэдытнай палітыцы 14 кастрычніка", - паведамілі ва ўпраўленні інфармацыі і грамадскіх сувязей.

У апошнія месяцы інфляцыя паскорылася і склалася вышэй, чым чакалася. У верасні гадавы прырост спажывецкіх цэн склаў 6,1 працэнта. "У большай ступені такая дынаміка інфляцыі абумоўлена ростам цэн на імпартуемыя тавары ў сувязі з аслабленнем беларускага рубля ў жніўні на фоне павышанага попыту на замежную валюту", - растлумачылі ў Нацбанку.

Паводле ацэнкі, прырост спажывецкіх цэн па выніках бягучага года складзе каля 6 працэнтаў. Пры гэтым уздзеянне аслаблення беларускага рубля будзе абумоўліваць павышаны інфляцыйны фон у кароткатэрміновым перыядзе.

Разам з тым у сярэднетэрміновай перспектыве ў Нацбанку прагназуюць пераважанне працяглых дэзынфляцыйных фактараў, што будзе садзейнічаць вяртанню інфляцыі да мэтавай траекторыі паблізу 5 працэнтаў.

Чарговае пасяджэнне праўлення Нацыянальнага банка па грашова-крэдытнай палітыцы запланавана на 11 лістапада.-0-

Падпісвайцеся на нас у
Twitter
Топ-навіны
Свежыя навіны Беларусі