31 снежня, Мінск /Кар. БЕЛТА/. Апублікавана карта асноўных задач Нацыянальнага банка на 2020 год, паведамляе БЕЛТА са спасылкай на сайт Нацбанка.
"Карта асноўных задач Нацыянальнага банка з'яўляецца ключавым элементам стратэгічнага планавання. Яна замацоўвае іерархію мэт і задач, вызначае накіраванасць дзеянняў цэнтральнага банка краіны па іх вырашэнні", - адзначылі ў Нацбанку.
Дэкларуемыя мэты - забеспячэнне цэнавай і фінансавай стабільнасці - традыцыйныя для большасці цэнтральных банкаў. Падтрыманне інфляцыі прадугледжана ў межах 5 працэнтаў.
"Дасягненне гэтых мэт забяспечвае фарміраванне спрыяльных умоў для ўстойлівага эканамічнага развіцця", - дадалі ў Нацбанку.
Асноўныя мэты дзейнасці Нацбанка вызначаны з улікам палажэнняў Банкаўскага кодэкса і норм указа ад 23 лютага 2016 года нумар 78 "Аб мерах па павышэнні эфектыўнасці сацыяльна-эканамічнага комплексу Рэспублікі Беларусь".-0-
