Мабільная версія
ДЗЯРЖОРГАНЫ

Апошнія навіны
Усе навіны

Нацбанк: трэнд на паступовае зніжэнне працэнтных ставак будзе захоўвацца

Эканоміка 20.03.2019 | 16:16
Фота з архіва
Фота з архіва

20 сакавіка, Мінск /Кар. БЕЛТА/. Трэнд на паступовае зніжэнне працэнтных ставак будзе захоўвацца, але многае залежыць ад інфляцыі, паведаміў начальнік галоўнага ўпраўлення манетарнай палітыкі і эканамічнага аналізу Нацыянальнага банка Дзмітрый Мурын на форуме "Развіццё прадпрымальніцтва ў Беларусі: стратэгія і тактыка", перадае карэспандэнт БЕЛТА.

"Тэндэнцыя, трэнд на паступовае зніжэнне будзе захоўвацца. Але многае будзе залежаць ад таго, як будзе складвацца ўзровень інфляцыі ў краіне, што будзе з інфляцыйнымі чаканнямі (паводле нашых ацэнак, яны цяпер у два разы перавышаюць фактычны ўзровень інфляцыі), - сказаў Дзмітрый Мурын.

Нацбанк будзе працаваць над тым, каб інфляцыя захоўвалася ў бліжэйшыя пяць гадоў на ўзроўні не большым за 4-5 працэнтаў. Асноўныя намаганні будуць накіраваны на кантроль над грашовым прапанаваннем, гэта ключавы фактар, які забяспечваў бы цэнавую стабільнасць.

Пры гэтым Нацбанк мае намер удасканальваць прымяняемыя інструменты, у прыватнасці размова ідзе аб тым, каб праз два-тры гады перайсці да найбольш эфектыўнага рэжыму грашова-крэдытнай палітыкі - таргетавання інфляцыі. "Вядома, для гэтага давядзецца шмат зрабіць як унутры Нацбанка, так і сумесна з урадам. Гэта перш за ўсё павышэнне нашай аперацыйнай незалежнасці, пераход у галіне курсавой палітыкі да свабоднага плавання", - дадаў Дзмітрый Мурын.

Цяпер курс фарміруецца пры абмежаваным умяшанні Нацыянальнага банка, што пры неабходнасці згладжвае на валютным рынку ваганні, якія, паводле ацэнкі Нацбанка, могуць быць празмернымі. "У планах паступова адысці ад гэтага, каб цалкам курс на рынку фарміраваўся пад уплывам менавіта фундаментальных фактараў на аснове попыту і прапанавання. Працэс гэты даволі доўгі, паводле нашых ацэнак, гэта зойме каля двух-трох гадоў, і калі ўсё ўдачна, тады можна будзе аб'яўляць аб так званым свабодным плаванні беларускага рубля", - рэзюмаваў Дзмітрый Мурын.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.