Мабільная версія
ДЗЯРЖОРГАНЫ

Апошнія навіны
Усе навіны

Нацбанк расказаў, як змяніліся цэны на агародніну, тарыфы на праезд і паслугі ЖКГ у лістападзе

Эканоміка 12.12.2018 | 19:37

12 снежня, Мінск /Кар. БЕЛТА/. Нацыянальны банк расказаў, як змяніліся цэны на агародніну, тарыфы на праезд і паслугі ЖКГ. Даныя прыводзяцца ў аглядзе аб дынаміцы змянення спажывецкіх цэн і тарыфаў у лістападзе 2018 года, паведамляе БЕЛТА.

Прырост спажывецкіх цэн у лістападзе склаў 5 працэнтаў у гадавым выражэнні. Адносна кастрычніка ў лістападзе спажывецкія цэны выраслі на 0,6 працэнта.

У лістападзе назіралася ўмераная дынаміка базавай інфляцыі на фоне зніжэння сезонных цэн і запаволення росту адміністрацыйна рэгулюемых цэн і тарыфаў у гадавым выражэнні, адзначылі ў Нацбанку.

Гадавая базавая інфляцыя нязначна паскорылася да 4,1 працэнта (4 працэнты месяц раней). "Інфлятагенны ўплыў неспрыяльнай кан'юнктуры рынку сельскагаспадарчай прадукцыі паступова слабее, аднак па-ранейшаму з'яўляецца адным з ключавых фактараў, якія вызначаюць дынаміку базавай інфляцыі. Уклад гэтага фактару ў прырост спажывецкіх цэн у лістападзе ацэньваецца на больш нізкім узроўні ў параўнанні з вераснем-кастрычнікам 2018 года", - праінфармавалі ў Нацыянальным банку.

Агрэгаваны паказчык трэндавай інфляцыі ў гадавым выражэнні ў лістападзе склаў 3,9 працэнта (3,8 працэнта месяц раней). Сярэдняя інтэнсіўнасць прыросту спажывецкіх цэн і тарыфаў у лістападзе вырасла на 0,1 працэнтнага пункта і склала 3,3 працэнта ў гадавым выражэнні.

Нягледзячы на далейшае аднаўленне, цэны на плодаагароднінную прадукцыю ў гадавым выражэнні ў лістападзе па-ранейшаму дэманструюць зніжэнне, але ўжо больш умеранае, чым месяц раней - 2,5 працэнта супраць 6,6 працэнта. Пры гэтым найбольш хутка раслі цэны на свежыя агуркі і памідоры, а таксама на большасць іншай агародніны.

Гадавы прырост адміністрацыйна рэгулюемых цэн і тарыфаў знізіўся да 8,5 працэнта (8,9 працэнта месяц раней). Больш умераная дынаміка цэн на рэгулюемыя пазіцыі абумоўлена запаволеннем гадавых тэмпаў росту тарыфаў на паслугі ЖКГ і праезд у гарадскім пасажырскім транспарце, а таксама цэн на моцныя алкагольныя напіткі, дадалі ў Нацбанку.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Перанос рабочых дзён у 2020 годзе Савет Міністраў Беларусі зацвердзіў графік пераносу рабочых дзён у 2020 годзе.