24 красавіка, Мінск /Кар. БЕЛТА/. Праўленне Нацыянальнага банка прадаставіла старшыні спецыяльнай кваліфікацыйнай камісіі Нацбанка і яго намесніку права да 31 снежня 2020 года прадаўжаць да 180 каляндарных дзён тэрміны правядзення ацэнкі адпаведнасці (атэстацыі). Гэта прадугледжана пастановай праўлення Нацбанка ад 24 красавіка нумар 140, паведамілі БЕЛТА ва ўпраўленні інфармацыі і грамадскіх сувязей Нацыянальнага банка.
Размова ідзе аб атэстацыі службовых асоб банкаў, нябанкаўскіх крэдытна-фінансавых арганізацый, Банка развіцця, аўдытараў, якія аказваюць аўдытарскія паслугі ў банках, банкаўскіх групах і банкаўскіх холдынгах.
Прадоўжаны таксама могуць быць тэрміны атэстацыі на права атрымання сертыфіката прафесійнага бухгалтара банка, спецыяльнай атэстацыі на адпаведнасць кваліфікацыйным патрабаванням, што прад'яўляюцца да антыкрызіснага кіраўніка пры банкруцтве банкаў.
Пастанова ўступае ў сілу з дня яе прыняцця.-0-
