30 верасня, Мінск /Кар. БЕЛТА/. Нацыянальны банк будзе ўстанаўліваць афіцыйны курс беларускага рубля адносна катарскага рыала штомесяц. Гэта прадугледжана пастановай праўлення Нацбанка ад 29 верасня 2022 года нумар 373, паведамілі БЕЛТА ва ўпраўленні інфармацыі і грамадскіх сувязей рэгулятара.
Як паведамлялася, Нацбанк пашырыў спіс замежных валют, да якіх будзе ўстанаўліваць афіцыйны курс. Згодна з пастановай нумар 352 ад 19 верасня 2022 года пасля канадскага долара цяпер у гэтым пераліку лічыцца катарскі рыал. Такім чынам, фінансавы рэгулятар будзе ўстанаўліваць афіцыйны курс 79 замежных валют.-0-