29 верасня, Мінск /Кар. БЕЛТА/. Нацыянальны банк Беларусі пачне ўстанаўліваць афіцыйны курс рубля да катарскага рыала. Гэта прадугледжана пастановай нумар 352 ад 19 верасня 2022 года, якая афіцыйна апублікавана на Нацыянальным прававым інтэрнэт-партале, паведамляе БЕЛТА.
Нацбанк пашырыў спіс замежных валют, да якіх будзе ўстанаўліваць афіцыйны курс. Згодна з пастановай пасля канадскага долара цяпер у гэтым пераліку лічыцца катарскі рыал. Такім чынам, фінансавы рэгулятар будзе ўстанаўліваць афіцыйны курс 79 замежных валют.
Пастанова ўступіла ў сілу пасля афіцыйнага апублікавання.-0-
