1 красавіка, Мінск /Кар. БЕЛТА/. НАН Беларусі прадставіла новыя распрацоўкі на пляцоўцы міжнародных спецыялізаваных выставак у галіне машынабудавання і металаапрацоўкі, якія адкрыліся сёння ў Мінску. Аб гэтым паведаміў першы намеснік старшыні Прэзідыума НАН Беларусі Сяргей Чыжык на адкрыцці выставак, перадае карэспандэнт БЕЛТА.
"Можна ўбачыць не толькі сённяшні дзень, але і зазірнуць у заўтрашні. Нацыянальная акадэмія навук Беларусі штогод прымае ўдзел і з'яўляецца суарганізатарам выставак. На нашых стэндах можна ўбачыць распрацоўкі ў галіне новых парашковых матэрыялаў, адытыўныя тэхналогіі. НВА "Цэнтр" пакажа магчымасці ў вырабе буйнагабарытнага абсталявання, выкарыстання электронна-прамянёвай, рабатызаванай зваркі, якія даюць магчымасць злучыць разнародныя матэрыялы", - расказаў Сяргей Чыжык.
Ён нагадаў, што ў НАН на базе Фізіка-тэхнічнага інстытута створаны інавацыйна-тэхналагічны кластар прамысловых тэхналогій "Акадэмтэхнаград", які здольны выконваць глабальныя праекты, падключаючы да ўдзелу не толькі матэрыялазнаўцаў, але і праграмістаў.
Выстаўка будзе працаваць з 1 па 4 красавіка. На пляцоўцы футбольнага манежа разгарнуліся экспазіцыі міжнародных спецыялізаваных выставак "Металаапрацоўка", "Машынабудаванне", "Зварка і рэзка", "Парашковая металургія", "Ахова ад карозіі. Пакрыцці", "Ліцметэкспа: Ліццё і металургія". Тэматыка прамыслова-тэхналагічнага форуму ахоплівае шырокі спектр тэхналогій у сферы металаапрацоўкі, зваркі, машынабудавання, ліцейнай вытворчасці, канструкцыйных матэрыялаў, рэсурсазберажэння. У ім прымаюць удзел амаль 200 прадстаўнікоў Беларусі, Расіі, Індыі, Кітая, Турцыі, Казахстана і іншых краін.-0-
"Можна ўбачыць не толькі сённяшні дзень, але і зазірнуць у заўтрашні. Нацыянальная акадэмія навук Беларусі штогод прымае ўдзел і з'яўляецца суарганізатарам выставак. На нашых стэндах можна ўбачыць распрацоўкі ў галіне новых парашковых матэрыялаў, адытыўныя тэхналогіі. НВА "Цэнтр" пакажа магчымасці ў вырабе буйнагабарытнага абсталявання, выкарыстання электронна-прамянёвай, рабатызаванай зваркі, якія даюць магчымасць злучыць разнародныя матэрыялы", - расказаў Сяргей Чыжык.
Ён нагадаў, што ў НАН на базе Фізіка-тэхнічнага інстытута створаны інавацыйна-тэхналагічны кластар прамысловых тэхналогій "Акадэмтэхнаград", які здольны выконваць глабальныя праекты, падключаючы да ўдзелу не толькі матэрыялазнаўцаў, але і праграмістаў.
Выстаўка будзе працаваць з 1 па 4 красавіка. На пляцоўцы футбольнага манежа разгарнуліся экспазіцыі міжнародных спецыялізаваных выставак "Металаапрацоўка", "Машынабудаванне", "Зварка і рэзка", "Парашковая металургія", "Ахова ад карозіі. Пакрыцці", "Ліцметэкспа: Ліццё і металургія". Тэматыка прамыслова-тэхналагічнага форуму ахоплівае шырокі спектр тэхналогій у сферы металаапрацоўкі, зваркі, машынабудавання, ліцейнай вытворчасці, канструкцыйных матэрыялаў, рэсурсазберажэння. У ім прымаюць удзел амаль 200 прадстаўнікоў Беларусі, Расіі, Індыі, Кітая, Турцыі, Казахстана і іншых краін.-0-
Падпісвайцеся на нас у
