2 снежня, Мінск /Кар. БЕЛТА/. Нацыянальнае агенцтва інвестыцый і прыватызацыі прэзентавала патэнцыял Беларусі на вядучай еўрапейскай выстаўцы для міжнародных карпарацый і агенцтваў па прыцягненні інвестыцый Going Global Live 2019, паведамляе БЕЛТА са спасылкай на сайт НАІП.
На стэндзе агенцтва былі прадстаўлены ўмовы вядзення бізнесу ў Беларусі, у тым ліку прэферэнцыйныя рэжымы, а таксама найбольш перспектыўныя інвестыцыйныя прапановы ў прамысловасці, сельскай гаспадарцы, турызме. Цікавасць да краіны выказалі міжнародныя кампаніі, якія супрацоўнічаюць з глабальнымі карпарацыямі, а таксама бізнесмены з Вялікабрытаніі, Ірландыі, Польшчы і іншых еўрапейскіх краін.
У час выстаўкі НАІП таксама прэзентавала інвестыцыйны клімат і расказала пра паспяховыя гісторыі супрацоўніцтва з міжнароднымі кампаніямі, галоўныя перавагі краіны і магчымасці для інвесціравання.
Акрамя таго, НАІП правяло сустрэчу з брытанскай кампаніяй Kutanios Ltd, якая зацікаўлена ў рэалізацыі інвестыцыйнага праекта па вытворчасці інавацыйных касметычных сродкаў у індустрыяльным парку "Вялікі камень". НАІП прадоўжыць супрацоўнічаць з кампаніяй і акажа неабходнае садзейнічанне.-0-
