9 снежня, Масква /Эдуард Півавар - БЕЛТА/. Беларускі і расійскі бакі на перагаворах у Сочы цалкам узгаднілі праекты інтэграцыйных дарожных карт па электраэнергетыцы і пытаннях супрацоўніцтва мытных службаў. Аб гэтым паведаміў журналістам пасол Беларусі ў Расіі Уладзімір Сямашка, каменціруючы вынікі праведзеных 6-7 лістапада сустрэч прэзідэнтаў дзвюх краін Аляксандра Лукашэнкі і Уладзіміра Пуціна, а таксама прэм'ер-міністраў Сяргея Румаса і Дзмітрыя Мядзведзева, перадае карэспандэнт БЕЛТА.
"6 снежня сустрэліся прэм'еры, заслухалі міністраў энергетыкі. Канстатавалі, што знайшлі развязку па дарожнай карце па электраэнергіі. Самае галоўнае, прэм'еры правялі рэвізію, што зроблена, што не зроблена, яны не ставілі задачу знайсці абсалютную развязку па дарожных картах, што засталіся. Гэта ўжо рабілі прэзідэнты 7 снежня", - расказаў Уладзімір Сямашка.
"Можна канстатаваць, што перагаворы прашлі прадметна, у канструктыўным, добразычлівым духу, - адзначыў дыпламат. - У выніку ўжо на сустрэчы прэзідэнтаў знайшлі складаную развязку па дарожнай карце супрацоўніцтва мытных службаў. Гэта было няпростае пытанне. Стаіць задача да 1 чэрвеня 2020 года адпрацаваць усю нарматыўную базу - і беларускую, і расійскую: там сотні заканадаўчых актаў, дзясяткі міжурадавых пагадненняў".
Пасол нагадаў, што па выніках папярэдняга раўнда перагавораў на ўзроўні прэм'ер-міністраў 19 снежня былі ўзгоднены праекты 21 дарожнай карты з 31. Такім чынам, застаюцца няўзгодненымі 8 дарожных карт, падагульніў Уладзімір Сямашка.-0-
