Сцяг Пятніца, 29 сакавіка 2024
Усе навіны
Усе навіны
Эканоміка
20 красавіка 2020, 13:54

На Нежынскім ГАКу здабыта першая соль

20 красавіка, Мінск /Кар. БЕЛТА/. На Нежынскім ГАКу здабыта першая соль, паведамілі БЕЛТА ў прэс-службе ЗТАА "Славкалій".

"Славкалій" прадаўжае актыўныя шахтабудаўнічыя работы на Нежынскім ГАКу. Механізаваныя комплексы "Ульяна" і "Вольга" дасягнулі на глыбіні адзнакі мінус 567 м, сустрэўшы першы слой каменнай солі", - паведамлялі ў кампаніі.

На будуемым калійным прадпрыемстве праходка шахтавых ствалоў выконваецца механізаваным спосабам з дапамогай машын SBR, вырабленых у Германіі па заказе "Славкалію". "Тэхналогія не мае аналагаў у Еўропе. Замяняе ручную працу ў шахце, не патрабуе прымянення ўзрыўчаткі, высокаэфектыўная і экалагічная", - адзначылі ў прэс-службе.

У ліпені 2019 года, калі машыны "Ульяна" (клецевы шахтавы ствол) і "Вольга" (скіпавы шахтавы ствол) прайшлі ўчастак з ваданоснымі гарызонтамі да адзнакі мінус 327 м, на аб'екце выконваўся мантаж цюбінгавай калоны, а потым тампанаж прасторы. У студзені бягучага года работы па забеспячэнні ўстойлівага мацавання шахтавых ствалоў былі завершаны, механізаваныя комплексы SBR аднавілі работу.

Нежынскі горна-абагачальны камбінат на базе Старобінскага радовішча калійных солей будзе другім прадпрыемствам у Беларусі па здабычы калійнай руды і вытворчасці калійных угнаенняў. Яго магутнасць складзе да 2 млн т хларыду калію ў год. Інвестыцыйны праект прадугледжвае будаўніцтва горназдабыўнога комплексу, абагачальнай фабрыкі, газатурбіннай электрастанцыі для ўласных патрэб, чыгуначнай, аўтадарожнай, жыллёвай і іншай інфраструктуры. Будаўніцтва ГАКа запушчана ў 2017 годзе. Праект рэалізуе ЗТАА "Славкалій", што ўваходзіць у групу "Сафмар" Міхаіла Гуцарыева.-0-

Падпісвайцеся на нас у
Twitter
Топ-навіны
Свежыя навіны Беларусі