23 кастрычніка, Мінск /Кар. БЕЛТА/. Развіццё Кітайска-беларускага індустрыяльнага парка "Вялікі камень" абмяркоўвалася на сустрэчы дэлегацыі Галоўнага мытнага ўпраўлення КНР на чале з намеснікам міністра Ван Лінцзюнам з прадстаўнікамі Дзяржаўнага мытнага камітэта пад кіраўніцтвам яго старшыні Юрыя Сянько, паведамілі БЕЛТА ў ДМК.
Былі разгледжаны пытанні двухбаковага супрацоўніцтва, у тым ліку ўзаемадзеянне па міжнародным чыгуначным маршруце Кітай - Еўрапейскі саюз - Кітай. Па выніках сустрэчы былі прыняты рашэнні па актуальных пытаннях у галіне падрыхтоўкі і перападрыхтоўкі кадраў і аналізу рызык.
Бакі пацвердзілі гатоўнасць да далейшага плённага супрацоўніцтва, накіраванага на рэалізацыю дамоўленасцей аб прызнанні ўпаўнаважаных эканамічных аператараў дзвюх краін, і высока ацанілі ўдзел мытных службаў у рэалізацыі ініцыятывы Кітая па стварэнні эканамічнага пояса Шаўковага шляху, адзначылі ў ДМК.
Кітайская дэлегацыя наведала парк "Вялікі камень" і транспартна-лагістычны цэнтр "Шчытомірычы", што дало ёй магчымасць азнаёміцца з дасягненнямі двухбаковага ўзаемавыгаднага супрацоўніцтва паміж дзяржаўнымі органамі дзвюх краін, а таксама вызначыць перспектыўныя напрамкі такога ўзаемадзеяння.-0-