Сцяг Серада, 21 лютага 2024
Усе навіны
Усе навіны
Эканоміка
04 студзеня 2023, 12:15

МТЗ больш як на 2,2 тыс. павялічыў вытворчасць тэхнікі ў 2022 годзе

4 студзеня, Мінск /Кар. БЕЛТА/. Аб'ём вытворчасці Мінскага трактарнага завода ў 2022 годзе павялічыўся на 2243 адзінкі тэхнікі, паведамілі БЕЛТА на прадпрыемстве.

МТЗ у мінулым годзе вырабіў 38 136 адзінак тэхнікі, гэта на 2243 адзінкі больш, чым у 2021 годзе. Прырост склаў каля 6 працэнтаў.

Пры гэтым прадпрыемствы "МТЗ-Холдынг" нарасцілі вытворчасць тэхнікі на 1,5 тыс. адзінак. На ўнутраны рынак пастаўлена 2,5 тыс. трактароў.

Мінскі трактарны завод - адзін з буйнейшых вытворцаў сельскагаспадарчай тэхнікі не толькі ў краінах СНД, але і ва ўсім свеце. Заказчыкам прапануюць больш за 100 мадэлей трактароў больш як у 200 зборачных варыянтах для ўсіх кліматычных і эксплуатацыйных умоў. Новыя мадэлі маюць шырокія магчымасці агрэгатавання з сельгасмашынамі розных вытворцаў. МТЗ распрацоўвае, вырабляе і экспартуе колавыя трактары і запасныя часткі да іх, арганізуе на ліцэнзійнай аснове іх вытворчасць за мяжой, аказвае паслугі па наладжванні і правядзенні сэрвісу пастаўленых машын, праводзіць навучанне па эксплуатацыі і тэхнічным абслугоўванні выпускаемай тэхнікі.-0-

Падпісвайцеся на нас у
Twitter
Топ-навіны
Свежыя навіны Беларусі