30 студзеня, Мінск /Кар. БЕЛТА/. Міністэрства па падатках і зборах прыняло пастанову ад 29 снежня 2022 года нумар 41, якой вызначаны дадатковыя агульныя патрабаванні да праграмных кас, паведамілі БЕЛТА ў прэс-службе ведамства.
Дакументам прадугледжаны магчымасць выкарыстання праграмных кас пры ажыццяўленні перавозак пасажыраў, у тым ліку аўтамабілямі-таксі, а таксама ўвядзенне патрабаванняў да такіх праграмных кас, устанаўленне адзінай структураванай формы плацежнага дакумента, які фарміруецца праграмнай касай, увядзенне новых патрабаванняў да праграмных кас у аб'ектах грамадскага харчавання з абслугоўваннем за столікам, аўтазаправачных станцыях пры рэалізацыі нафтапрадуктаў і звадкаваных вуглевадародных газаў, а таксама да праграмных кас, якія прымяняюцца для мэт вяртання падатку на дабаўленую вартасць. Таксама пастанова ўводзіць патрабаванні да кас самаабслугоўвання і кас, што прымяняюцца пры рэалізацыі тавараў, якія падлягаюць маркіроўцы ўніфікаванымі кантрольнымі знакамі або сродкамі ідэнтыфікацыі. Згодна з дакументам таксама прадугледжаны магчымасці выканання касавай аперацыі рэгістрацыі зняцця для выдачы наяўных грашовых сродкаў трымальнікам банкаўскіх плацежных картак і рэгістрацыі прыёму плацяжоў у адрас трэціх асоб плацежнымі агрэгатарамі.
Асноўныя пункты пастановы ўступілі ў сілу. Норма ў частцы магчымасці выкарыстання праграмных кас у сферы перавозак пасажыраў уступае ў сілу з 22 ліпеня 2023 года, у частцы забеспячэння рэалізацыі на праграмнай касе маркіраваных тавараў - з 1 ліпеня 2025 года.
Праграмная каса - спецыялізаванае праграмнае забеспячэнне, прызначанае для выканання касавых аперацый пры продажы тавараў, выкананні работ, аказанні паслуг. У Беларусі выкарыстоўваецца бльш за 17,9 тыс. праграмных кас, і гэта колькасць прадаўжае павялічвацца, што сведчыць аб росце інтарэсу ў выкарыстанні суб'ектамі гаспадарання.-0-
