12 снежня, Мінск /Кар. БЕЛТА/. Міністэрства па падатках і зборах Беларусі выносіць на грамадскае абмеркаванне праект пастановы Міністэрства па падатках і зборах, Міністэрства фінансаў, Міністэрства працы і сацыяльнай абароны і Нацыянальнага статыстычнага камітэта "Аб устанаўленні формы кнігі ўліку даходаў і расходаў арганізацый і індывідуальных прадпрымальнікаў, якія прымяняюць спрошчаную сістэму падаткаабкладання, і парадку яе запаўнення", паведамілі БЕЛТА ў прэс-службе МПЗ.
Пастановай прадугледжана змяненне формы кнігі ўліку даходаў і расходаў арганізацый і індывідуальных прадпрымальнікаў, якія прымяняюць спрошчаную сістэму падаткаабкладання, што істотна скароціць пералік яе раздзелаў і частак, а таксама спросціць парадак запаўнення.
Праект пастановы размешчаны на афіцыйным сайце Міністэрства па падатках і зборах Беларусі www.nalog.gov.by.
Заўвагі і прапановы па праекце пастановы міністэрства прымае да 21 снежня 2018 года ўключна на электронны адрас yakutchik@nalog.gov.by з паметкай "Абмеркаванне праекта".-0-
