10 лютага, Мінск /Кар. БЕЛТА/. На грамадскае абмеркаванне вынесены праект пастановы Савета Міністраў "Аб прызнанні запазычанасці безнадзейным доўгам і яе спісанні", паведамляе БЕЛТА са спасылкай на Нацыянальны прававы інтэрнэт-партал.
Дакумент накіраваны на ўрэгуляванне парадку прызнання запазычанасці безнадзейным доўгам і яе спісання па падатках, зборах (пошлінах), спецыяльных, антыдэмпінгавых, кампенсацыйных пошлінах, працэнтах па іх; сумах, якія падлягаюць выплаце ў даход дзяржавы ў парадку прыцягнення да субсідыярнай адказнасці па абавязацельствах беларускай арганізацыі; адлічэннях у дзяржаўныя мэтавыя бюджэтныя фонды; арэнднай плаце за зямельныя ўчасткі, якія знаходзяцца ў дзяржуласнасці, па абавязковых страхавых узносах і іншых плацяжах у бюджэт фонду.
Праектам пастановы зацвярджаецца палажэнне, якім вызначаны выпадкі, дакументы і парадак прызнання запазычанасці безнадзейным доўгам і яе спісання, у тым ліку парадак узаемадзеяння паміж органамі, упаўнаважанымі на прыняцце адпаведных рашэнняў.
Акрамя таго, дакументам прапануецца ўстанавіць падставы, па якіх запазычанасць беларускай фізічнай асобы па абавязковых плацяжах і іншых плацяжах у бюджэт, у адносінах да якой органамі прымусовага выканання да 15 ліпеня 2021 года спынена выканаўчае вядзенне па справе, па рашэнні ўпаўнаважанага органа прызнаецца безнадзейным доўгам і спісваецца.
Арганізатар грамадскага абмеркавання - Міністэрства па падатках і зборах.
Свае заўвагі і прапановы з 10 па 19 лютага можна выказаць у спецыяльнай тэме на Прававым форуме.-0-
