ДЗЯРЖОРГАНЫДЗЯРЖОРГАНЫ
Флаг Аўторак, 6 снежня 2022
Мінск -5°C
Усе навіны
Усе навіны
Эканоміка
14 верасня 2022, 18:09

ММЗ і татарстанская кампанія "АЗ РарыТЭК" падпісалі пагадненне аб стратэгічным партнёрстве

14 верасня, Мінск /Кар. БЕЛТА/. Мінскі маторны завод і ТАА "АЗ РарыТЭК" падпісалі пагадненне аб стратэгічным партнёрстве ў час 11-га Пецярбургскага міжнароднага газавага форуму, паведамілі БЕЛТА ў прэс-службе беларускага прадпрыемства.

Дэлегацыя ММЗ на чале з генеральным дырэктарам Аляксандрам Рагожнікам наведала выстаўку, стэнд партнёра ТАА "АЗ РарыТЭК". Бакі правялі перагаворы аб далейшым супрацоўніцтве і падпісалі пагадненне аб стратэгічным партнёрстве па вытворчасці і продажы газапоршневага рухавіка.

У прыватнасці, плануецца зборка трактароў МТЗ на базе ГВК "МТЗ Татарстан" з устаноўленым рухавіком Мінскага маторнага завода і газабалонным абсталяваннем. У якасці маторнага паліва будзе выкарыстоўвацца газ метан. Беларускі рухавік можа працаваць як на звадкаваным, так і на сціснутым метане.

Мінскі маторны завод - вытворца сучасных дызельных, газадызельных, газапоршневых рухавікоў. Спецыялізуецца на распрацоўцы, праектаванні і вытворчасці сучасных трох-, чатырох-, шасці- і восьміцыліндравых рухавікоў. На заводзе выпускаецца больш за 100 мадыфікацый рухавікоў у дыяпазоне магутнасці ад 7 кВт да 330 кВт, прызначаных для ўстаноўкі на сельскагаспадарчую, дарожна-будаўнічую тэхніку, аўтамабілі і аўтобусы, энергаўстаноўкі, кампрэсары і іншыя агрэгаты. Рухавікі ММЗ пастаўляюцца на канвееры 49 прадпрыемстваў Беларусі, краін СНД і далёкага замежжа.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі