19 кастрычніка, Мінск /Кар. БЕЛТА/. Гомельскае аддзяленне Беларускай гандлёва-прамысловай палаты правядзе 27-29 кастрычніка міжнароднае мерапрыемства "Бізнес-дні ў Гомелі", паведамілі БЕЛТА ў рэгіянальным аддзяленні БелГПП.
Як адзначылі арганізатары, за пяць гадоў У 18 такіх дыскусійных сесіях прынялі ўдзел больш за 2 тыс. кампаній з 30 краін блізкага і далёкага замежжа, у тым ліку з Расіі, Казахстана, Украіны, Арменіі, Польшчы, Германіі, Італіі, Славакіі, Францыі, Бельгіі, Ізраіля, Кітая, В'етнама, Аўстраліі, ААЭ, Канады і іншых. "Геаграфія краін-удзельніц штогод пашыраецца, гэта пацвярджае цікавасць да Гомельскай вобласці і "Бізнес-дні ў Гомелі". У бягучым годзе мерапрыемства ўпершыню пройдзе ў віртуальным фармаце", - адзначылі ў палаце.
Улічваючы выклікі гэтага года, беларускім і замежным кампаніям, бізнес-саюзам і асацыяцыям прапануецца абмеркаваць такія тэмы, як "Узаемадзеянне асацыяцый бізнесу - канкурэнцыя або эфектыўны дыялог?", "Спажывецкія трэнды і надыходзячая рэальнасць. Сучасныя падыходы, эфектыўныя мадэлі і паспяховыя практыкі ў аграпрамысловым комплексе" і "Новая асоба бізнесу - пераход з афлайну ў віртуальную прастору". Таксама запланаваны майстар-класы, прэзентацыі, вебінары і профільныя В2В перагаворы.
"Ва ўдзельнікаў будзе магчымасць падзяліцца вопытам і практыкамі вядзення бізнесу, абмеркаваць, як працаваць у новай эканамічнай рэальнасці, дзе знайсці паспяховыя рашэнні для бізнесу і новыя інструменты прыцягнення кліентаў, цікавыя тэхналагічныя і маркетынгавыя кейсы", - падкрэслілі ў Гомельскім аддзяленні БелГПП.-0-
