Фота з архіва
27 сакавіка, Масква /Эдуард Півавар - БЕЛТА/. Міжнародны эканамічны форум СНД пройдзе ў Маскве 28-29 сакавіка пад дэвізам "Ад дыялогу да сумесных праектаў на прасторы СНД, ЕАЭС, ШАС", паведамілі БЕЛТА арганізатары.
У рамках форуму будзе дзейнічаць 21 секцыя, плануецца ўдзел больш як 2 тыс. чалавек, якія абмяркуюць актуальныя тэмы супрацоўніцтва дзяржаў СНД у лагістыцы, мытні, будаўніцтве, прамысловай кааперацыі, міграцыйнай палітыцы, медыцыне, турызме, устойлівым развіцці і іншых напрамках. Традыцыйна на пленарную секцыю будуць запрошаны члены Эканамічнага савета СНД, кіраўніцтва Выканаўчага камітэта СНД, выканаўчых органаў ЕАЭС і ШАС. Форум адбудзецца адначасова з пасяджэннем Эканамічнага савета СНД з удзелам віцэ-прэм'ераў дзяржаў Садружнасці, кіруючых работнікаў міністэрстваў эканамічнага развіцця, фінансаў, прамысловасці і гандлю, інавацыйнага развіцця, прадстаўнікоў органаў улады, гандлёва-прамысловых палат, галіновых аб'яднанняў і банкаўскіх супольнасцей, а таксама прадпрымальнікаў.
"Асноўная мэта форуму - пераход ад абмеркаванняў да больш цеснага супрацоўніцтва ў такіх сферах, як эканоміка, прамысловасць, адукацыя, культура, бяспека, інфраструктурнае развіццё і іншых. У рамках узаемадзеяння інтэграцыйных аб'яднанняў СНД, ЕАЭС, ШАС сёння важна наладзіць абмен вопытам у галіне выкарыстання новых тэхналогій і матэрыялаў, узгадніць тэхнічныя стандарты і нормы, сфарміраваць меры падтрымкі і механізмы фінансавання буйных трансгранічных праектаў. Важным аспектам такога супрацоўніцтва з'яўляецца пошук збалансаваных рашэнняў, якія ўлічваюць інтарэсы ўсіх краін, а таксама распрацоўка механізмаў для вырашэння магчымых супярэчнасцей. Эфектыўнае ўзаемадзеянне краін, якія ўваходзяць у інтэграцыйныя аб'яднанні СНД, ЕАЭС, ШАС, патрабуе не толькі палітычнай волі і стратэгічнага бачання, але і актыўнага ўдзелу бізнес-супольнасцей, навуковых і адукацыйных устаноў, а таксама грамадзянскай супольнасці. Такім чынам, форум запускае шматаспектны працэс, які садзейнічае паглыбленню інтэграцыі і ўмацаванню супрацоўніцтва СНД, ЕАЭС, ШАС, садзейнічаючы іх устойліваму развіццю і забеспячэнню дабрабыту народаў гэтых інтэграцыйных аб'яднанняў", - падкрэслілі арганізатары.
Форум праводзіцца пры падтрымцы Выканаўчага камітэта СНД. Ён уключаны ў план мерапрыемстваў па рэалізацыі канцэпцыі старшынства Расіі ў Садружнасці ў 2024 годзе.-0-
У рамках форуму будзе дзейнічаць 21 секцыя, плануецца ўдзел больш як 2 тыс. чалавек, якія абмяркуюць актуальныя тэмы супрацоўніцтва дзяржаў СНД у лагістыцы, мытні, будаўніцтве, прамысловай кааперацыі, міграцыйнай палітыцы, медыцыне, турызме, устойлівым развіцці і іншых напрамках. Традыцыйна на пленарную секцыю будуць запрошаны члены Эканамічнага савета СНД, кіраўніцтва Выканаўчага камітэта СНД, выканаўчых органаў ЕАЭС і ШАС. Форум адбудзецца адначасова з пасяджэннем Эканамічнага савета СНД з удзелам віцэ-прэм'ераў дзяржаў Садружнасці, кіруючых работнікаў міністэрстваў эканамічнага развіцця, фінансаў, прамысловасці і гандлю, інавацыйнага развіцця, прадстаўнікоў органаў улады, гандлёва-прамысловых палат, галіновых аб'яднанняў і банкаўскіх супольнасцей, а таксама прадпрымальнікаў.
"Асноўная мэта форуму - пераход ад абмеркаванняў да больш цеснага супрацоўніцтва ў такіх сферах, як эканоміка, прамысловасць, адукацыя, культура, бяспека, інфраструктурнае развіццё і іншых. У рамках узаемадзеяння інтэграцыйных аб'яднанняў СНД, ЕАЭС, ШАС сёння важна наладзіць абмен вопытам у галіне выкарыстання новых тэхналогій і матэрыялаў, узгадніць тэхнічныя стандарты і нормы, сфарміраваць меры падтрымкі і механізмы фінансавання буйных трансгранічных праектаў. Важным аспектам такога супрацоўніцтва з'яўляецца пошук збалансаваных рашэнняў, якія ўлічваюць інтарэсы ўсіх краін, а таксама распрацоўка механізмаў для вырашэння магчымых супярэчнасцей. Эфектыўнае ўзаемадзеянне краін, якія ўваходзяць у інтэграцыйныя аб'яднанні СНД, ЕАЭС, ШАС, патрабуе не толькі палітычнай волі і стратэгічнага бачання, але і актыўнага ўдзелу бізнес-супольнасцей, навуковых і адукацыйных устаноў, а таксама грамадзянскай супольнасці. Такім чынам, форум запускае шматаспектны працэс, які садзейнічае паглыбленню інтэграцыі і ўмацаванню супрацоўніцтва СНД, ЕАЭС, ШАС, садзейнічаючы іх устойліваму развіццю і забеспячэнню дабрабыту народаў гэтых інтэграцыйных аб'яднанняў", - падкрэслілі арганізатары.
Форум праводзіцца пры падтрымцы Выканаўчага камітэта СНД. Ён уключаны ў план мерапрыемстваў па рэалізацыі канцэпцыі старшынства Расіі ў Садружнасці ў 2024 годзе.-0-
