Фота з архіва
3 чэрвеня, Мінск /Кар. БЕЛТА/. Юбілейны 25-ы Агульны гадавы сход арганізацый - членаў Міжнароднай асацыяцыі бірж (МАБ) пройдзе ў Мінску 11 чэрвеня. Аб гэтым паведамілі БЕЛТА ў прэс-службе Беларускай універсальнай таварнай біржы, якая з'яўляецца прымаючым бокам і суарганізатарам міжнароднага біржавога форуму.
Мерапрыемства збярэ на адной пляцоўцы кіраўнікоў таварных і валютна-фондавых бірж Еўропы, Азіі і Афрыкі, прадстаўнікоў антыманапольных органаў Беларусі і Расіі, экспертаў Еўразійскай эканамічнай камісіі, а таксама спецыялістаў у сферы эканомікі, фінансаў і электроннай камерцыі з розных краін свету.
"Бадай, галоўная асаблівасць маючага адбыцца форуму заключаецца ў яго беспрэцэдэнтным маштабе. Прычым гэта датычыцца не толькі геаграфіі ўдзельнікаў, якая ўпершыню выйдзе за рамкі краін СНД, але і тэматыкі, якую плануецца закрануць. Трансгранічны біржавы гандаль, міжнародныя разлікі, цэнаўтварэнне і цэнавыя індыкатары, глабальная канкурэнцыя і антыманапольнае рэгуляванне, інтэграцыйныя працэсы на таварных і фінансавых рынках, штучны інтэлект і тэхналогія блокчэйн. Гэта толькі кароткі пералік пытанняў, вынесеных на парадак дня мерапрыемства. Пры гэтым мэта форуму - не проста зверыць гадзіннікі і падзяліцца вопытам, а дэталёва разгледзець актуальныя для біржавой супольнасці праблемы і пастарацца выпрацаваць сумесныя канструктыўныя рашэнні", - адзначылі ў прэс-службе БУТБ.
Праграмай Агульнага сходу МАБ прадугледжана пленарнае пасяджэнне, у час якога будуць абмеркаваны актуальныя пытанні развіцця біржавых таварных і фінансавых рынкаў, уключаючы ролю біржаў у дзяржаўным рэгуляванні эканомікі, прынцыпы фарміравання пералікаў тавараў, абавязковых для рэалізацыі на біржавых таргах, стварэнне міжнароднай сістэмы цэнавых індыкатараў, прымяненне клірынгу ў разліках па тавараабменных аперацыях, узаемны допуск да размяшчэння і абарачэння каштоўных папер, перспектывы гандлю лічбавымі фінансавымі актывамі і ўкараненне ESG-стандартаў у біржавой сферы (ESG - экалагічныя, сацыяльныя і кіраўніцкія стандарты. - Заўвага БЕЛТА).
Акрамя таго, у час біржавога форуму пройдзе ўрачыстая цырымонія прыняцця ў склад МАБ кітайскай электроннай платформы AEEX, а таксама будзе падпісана пагадненне аб супрацоўніцтве паміж БУТБ і Кыргызскай фондавай біржай.
Міжнародная асацыяцыя бірж аб'ядноўвае вядучыя валютна-фондавыя і таварныя біржы Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана і Узбекістана. Беларуская ўніверсальная таварная біржа з'яўляецца членам асацыяцыі з 2011 года, а старшыня праўлення БУТБ уваходзіць у склад Савета МАБ.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных бірж ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Мерапрыемства збярэ на адной пляцоўцы кіраўнікоў таварных і валютна-фондавых бірж Еўропы, Азіі і Афрыкі, прадстаўнікоў антыманапольных органаў Беларусі і Расіі, экспертаў Еўразійскай эканамічнай камісіі, а таксама спецыялістаў у сферы эканомікі, фінансаў і электроннай камерцыі з розных краін свету.
"Бадай, галоўная асаблівасць маючага адбыцца форуму заключаецца ў яго беспрэцэдэнтным маштабе. Прычым гэта датычыцца не толькі геаграфіі ўдзельнікаў, якая ўпершыню выйдзе за рамкі краін СНД, але і тэматыкі, якую плануецца закрануць. Трансгранічны біржавы гандаль, міжнародныя разлікі, цэнаўтварэнне і цэнавыя індыкатары, глабальная канкурэнцыя і антыманапольнае рэгуляванне, інтэграцыйныя працэсы на таварных і фінансавых рынках, штучны інтэлект і тэхналогія блокчэйн. Гэта толькі кароткі пералік пытанняў, вынесеных на парадак дня мерапрыемства. Пры гэтым мэта форуму - не проста зверыць гадзіннікі і падзяліцца вопытам, а дэталёва разгледзець актуальныя для біржавой супольнасці праблемы і пастарацца выпрацаваць сумесныя канструктыўныя рашэнні", - адзначылі ў прэс-службе БУТБ.
Праграмай Агульнага сходу МАБ прадугледжана пленарнае пасяджэнне, у час якога будуць абмеркаваны актуальныя пытанні развіцця біржавых таварных і фінансавых рынкаў, уключаючы ролю біржаў у дзяржаўным рэгуляванні эканомікі, прынцыпы фарміравання пералікаў тавараў, абавязковых для рэалізацыі на біржавых таргах, стварэнне міжнароднай сістэмы цэнавых індыкатараў, прымяненне клірынгу ў разліках па тавараабменных аперацыях, узаемны допуск да размяшчэння і абарачэння каштоўных папер, перспектывы гандлю лічбавымі фінансавымі актывамі і ўкараненне ESG-стандартаў у біржавой сферы (ESG - экалагічныя, сацыяльныя і кіраўніцкія стандарты. - Заўвага БЕЛТА).
Акрамя таго, у час біржавога форуму пройдзе ўрачыстая цырымонія прыняцця ў склад МАБ кітайскай электроннай платформы AEEX, а таксама будзе падпісана пагадненне аб супрацоўніцтве паміж БУТБ і Кыргызскай фондавай біржай.
Міжнародная асацыяцыя бірж аб'ядноўвае вядучыя валютна-фондавыя і таварныя біржы Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана і Узбекістана. Беларуская ўніверсальная таварная біржа з'яўляецца членам асацыяцыі з 2011 года, а старшыня праўлення БУТБ уваходзіць у склад Савета МАБ.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных бірж ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
