Мабільная версія
ДЗЯРЖОРГАНЫ

Апошнія навіны
Усе навіны

Міжнародная канферэнцыя суда ЕАЭС пройдзе ў Мінску 18-19 кастрычніка

Эканоміка 17.10.2018 | 13:38

17 кастрычніка, Мінск /Кар. БЕЛТА/. Канферэнцыя "Міжнароднае правасуддзе і ўмацаванне інтэграцыйных працэсаў" пройдзе ў Мінску 18-19 кастрычніка. Такая інфармацыя размешчана на сайце Суда Еўразійскага эканамічнага саюза, які выступае арганізатарам форуму, паведамляе БЕЛТА.

Удзел у канферэнцыі прымуць больш за 200 прадстаўнікоў міжнародных судоў і арганізацый, а таксама нацыянальных судовых, дзяржаўных органаў, навуковых і дзелавых колаў ЕАЭС і ЕС. Пленарнае пасяджэнне форуму будзе прысвечана ролі органаў міжнароднага правасуддзя ў развіцці інтэграцыйных працэсаў. Удзельнікі дыскусійных сесій абмяркуюць асноўныя тэндэнцыі развіцця права ЕАЭС, узаемадзеянне органаў міжнароднага правасуддзя з нацыянальнымі судамі, выкарыстанне права ЕАЭС у якасці інструмента абароны бізнесу і іншыя пытанні.

Арганізатары разлічваюць, што канферэнцыя стане экспертнай пляцоўкай для абмену меркаваннямі сярод міжнародных і нацыянальных судовых органаў, вучоных, прадстаўнікоў бізнес-супольнасці.

Суд Еўразійскага эканамічнага саюза - пастаянна дзеючы міжнародны судовы орган. Ён быў створаны ў адпаведнасці з Дагаворам аб ЕАЭС ад 29 мая 2014 года. Месцам знаходжання вызначаны Мінск. Асноўная мэта суда ЕАЭС у тым, каб забяспечваць аднолькавае прымяненне дзяржавамі-членамі і органамі саюза міжнародных дагавораў і рашэнняў у працэсе рэгіянальнай інтэграцыі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Забарона на наведванне лясоў У Беларусі ўведзена забарона на наведванне лясоў у шасці раёнах Мінскай вобласці: Старадарожскім - з 19 красавіка, Валожынскім - з 20 красавіка, Мінскім, Смалявіцкім, Чэрвеньскім, Бярэзінскім - з 24 красавіка.