23 сакавіка, Мінск /Кар. БЕЛТА/. Беларусь і Расія прынялі сумесныя меры, якія далі магчымасць прадухіліць дэфіцыт харчовых тавараў, лякарстваў і абсталявання ва ўмовах маштабных санкцый. Аб гэтым заявіў кіраўнік расійскага ўрада Міхаіл Мішусцін, выступаючы ў Дзяржаўнай думе РФ, паведамляе ТАСС.
"Ва ўмовах увядзення супраць Расіі і Беларусі беспрэцэдэнтных санкцыйных абмежаванняў асноўныя намаганні ў Саюзнай дзяржаве і ў фармаце "пяцёркі" (ЕАЭС. - Заўвага ТАСС) былі накіраваны на павышэнне ўстойлівасці нашых эканомік. Мы прынялі сумесныя антыкрызісныя меры. Яны дапамаглі прадухіліць узнікненне няхваткі абсталявання, прадуктаў харчавання, лекавых прэпаратаў і медыцынскіх вырабаў", - заявіў Мішусцін.
Ён таксама адзначыў, што спробы ініцыятараў санкцый выцесніць Расійскую Федэрацыю з глабальнай эканамічнай прасторы пацярпелі няўдачу. Расія сёння ўзмацняе кааперацыю з дружалюбнымі краінамі. Пры гэтым прэм'ер лічыць, што санкцыйны націск на РФ наўрад ці аслабее. Аднак да наступнага года краіна павінна поўнасцю адаптавацца да заходніх рэстрыкцый і стаць на новы шлях развіцця. Мішусцін таксама заявіў, што РФ мае намер сканцэнтравацца на развіцці міжнароднага супрацоўніцтва.-0-
