ДЗЯРЖОРГАНЫДЗЯРЖОРГАНЫ
Субота, 15 жніўня 2020
Мінск Пераменная воблачнасць +17°C
Усе навіны
Усе навіны
Эканоміка
31 ліпеня 2020, 10:19

Мінсувязі падрыхтавала праект канцэпцыі дзяржпраграмы па лічбавым развіцці краіны на 2021-2025 гады

Фота з архіва
Фота з архіва

31 ліпеня, Мінск /Кар. БЕЛТА/. Міністэрства сувязі і інфарматызацыі падрыхтавала праект канцэпцыі дзяржпраграмы "Лічбавае развіццё Беларусі" на 2021-2025 гады, паведамілі БЕЛТА ў ведамстве.

Праектам канцэпцыі прадугледжваецца рэалізацыя мерапрыемстваў па стварэнні і развіцці сучаснай інфармацыйна-камунікацыйнай інфраструктуры, укараненні інавацыйных рашэнняў у галінах эканомікі і тэхналогій "разумных гарадоў", а таксама забеспячэнні інфармацыйнай бяспекі такіх рашэнняў. Асобна плануецца сканцэнтраваць намаганні на ўдасканаленні дзяржаўных электронных сэрвісаў. Гэта дасць магчымасць забяспечваць раўнамерны ахоп сучаснымі тэхналогіямі доступу да дзяржаўных паслуг насельніцтва ўсёй краіны, выключаючы ўтварэнне "лічбавага разрыву" паміж горадам і сельскай мясцовасцю, адзначылі ў Мінсувязі.

Заказчыкамі мерапрыемстваў распрацоўваемай дзяржпраграмы будуць выступаць рэспубліканскія органы дзяржаўнага кіравання, а таксама мясцовыя выканаўчыя і распарадчыя органы, таму што гэтыя мерапрыемствы будуць датычыцца развіцця тэхналогій "разумных гарадоў". Непасрэдна для лічбавай трансфармацыі рэальнага сектара эканомікі будуць актыўна прыцягвацца айчынныя прадпрыемствы.

Як паведамілі ў міністэрстве, таксама плануецца развіваць дапоўненую рэальнасць, тэхналогіі бесправадной сувязі, інтэрнэт рэчаў, прамысловы інтэрнэт, кампаненты робататэхнікі, сэнсорыку і іншыя напрамкі.

"У выніку прадугледжваецца сфарміраваць банк тыпавых рашэнняў для лічбавага развіцця, што дасць магчымасць паскоранымі тэмпамі ўкараняць функцыянуючыя на аснове перадавых тэхналогій рашэнні ў розных галінах эканомікі", - падкрэслілі ў Мінсувязі.

Улічваючы вядучую ролю інфармацыйных тэхналогій у жыцці сучаснага грамадства і працэсах эканамічнага развіцця, міністэрства прапануе ўсім зацікаўленым прыняць удзел у разглядзе праекта гэтай канцэпцыі, у тым ліку для вызначэння прыярытэтных праектаў. Прапановы па дапаўненні праекта канцэпцыі або ініцыятывы па мерапрыемствах можна накіраваць да 7 жніўня ў электронным выглядзе па адрасе: shapkina@mpt.gov.by.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі