Сцяг Чацвер, 28 сакавіка 2024
Усе навіны
Усе навіны
Эканоміка
23 красавіка 2020, 18:18

Мінсельгасхарч: запасы агародніны ў сховішчах у 3 разы большыя, чым летась

23 красавіка, Мінск /Кар. БЕЛТА/. Запасы агародніны ў сховішчах сельгасарганізацый і сялянскіх (фермерскіх) гаспадарак складаюць 20,7 тыс. т, гэта ў 3 разы больш за мінулагодні аб'ём, паведамілі карэспандэнту БЕЛТА ў прэс-службе Міністэрства сельскай гаспадаркі і харчавання.

Запас морквы склаў 4,1 тыс. т (178 працэнта да аналагічнай даты 2019 года), буракоў - 9,9 тыс. т (больш у 3 разы), капусты белакачаннай - 6,2 тыс. т (больш у 4,7 раза). Бульбы захоўваецца 26,3 тыс. т. Запас садавіны склаў 650 т.

Сёння ў сельскагаспадарчых і іншых арганізацыях ёсць спецыялізаваныя бульбасховішчы агульнай ёмістасцю 775 тыс. т, агароднінасховішчы на 158 тыс. т і плодасховішчы ёмістасцю 103 тыс. т.

Як адзначылі ў прэс-службе, дзякуючы створаным умовам у спецыялізаваных сховішчах прадукцыя захоўваецца практычна да наступнага ўраджаю. Там прымяняются тэхналогіі падтрымання мікраклімату (сістэма вентыляцыі, тэмпература, вільготнасць паветра) і стварэння газавага асяроддзя. Прычым умовы ствараюцца не толькі для кожнай культуры, але і для канкрэтных сартоў.

Для задавальнення попыту і забеспячэння канкурэнтаздольнасці прадукцыі ў сельгасарганізацыях і сялянскіх (фермерскіх) гаспадарках ёсць абсталяванне па перадпродажнай падрыхтоўцы плодаагародніннай прадукцыі і бульбы (ачыстка, сартаванне, каліброўка, мыццё, сушка, фасоўка ў розную тару і інш.). У тым ліку 81 лінія па падрыхтоўцы і дапрацоўцы бульбы перад рэалізацыяй, 39 ліній па падрыхтоўцы, дапрацоўцы і фасоўцы агародніны і 20 сартавальных і фасовачных ліній для пладоў.

Мінсельгасхарч, аблвыканкамы прымаюць пэўныя меры па максімальнай загрузцы сховішчаў для далейшай рэалізацыі прадукцыі. У першую чаргу гэта звязана з развіццём буйнатаварнай вытворчасці (канцэнтрацыя і спецыялізацыя), прымяненнем сучасных тэхналогій, выкарыстаннем новых сартоў і гібрыдаў, захаваннем тэхналагічных рэгламентаў пры вырошчванні прадукцыі. Гэта дало магчымасць за апошнія гады істотна павялічыць ураджайнасць у грамадскім сектары: бульбы - з 208 ц/га ў 2015 годзе да 282 ц/га ў 2019 годзе, агародніны - з 299 ц/га да 328 ц/га.

Па дзяржпраграме развіцця аграрнага бізнесу прадаўжаецца пасадка пладова-ягадных культур. З 2016 па 2019 год закладзена каля 3,3 тыс. га садоў.-0-

Падпісвайцеся на нас у
Twitter
Топ-навіны
Свежыя навіны Беларусі