Фота з архіва
6 мая, Мінск /Кар. БЕЛТА/. Міністэрства сельскай гаспадаркі і харчавання прымае меры для бесперабойнага забеспячэння бульбай у міжсезонне: так, плошчы пасадкі караняплода пад ураджай 2025 года павялічаны амаль на 3 тыс. га. Аб гэтым паведамілі БЕЛТА ў прэс-службе ведамства.
Міністр сельскай гаспадаркі і харчавання Юрый Горлаў правёў нараду па пытаннях забеспячэння ўнутранага рынку бульбай і агародніннай прадукцыяй у цяперашнім міжсезонным перыядзе. Паводле даных Міністэрства антыманапольнага рэгулявання і гандлю, патрэбнасць гандлёвых сетак у бульбе складае 2,1 тыс. т. На нарадзе былі вывучаны рэсурсы, якія маюць вобласці, і разгледжаны прапановы па нарошчванні аб'ёмаў прадукцыі на прылаўках магазінаў.
Так, асноўнымі крыніцамі паступлення бульбы на ўнутраны рынак стануць астаткі стабілізацыйных фондаў і лішкі насеннай бульбы неабходнай харчовай каліброўкі. Абласцямі пацверджана гатоўнасць адгрузіць 2,4 тыс. т бульбы для забеспячэння попыту. Для аператыўнага вырашэння пытанняў арганізавана ўзаемадзеянне гандлёвых сетак з рэгіёнамі.
Як удакладнілі ў прэс-службе Мінсельгасхарча, у 2024 годзе сельскагаспадарчыя арганізацыі і фермерскія гаспадаркі сабралі 758,3 тыс. т бульбы, з якіх 48 тыс. т былі закладзены ў стабілізацыйныя фонды. У гандлёвыя сеткі ў міжсезонны перыяд гэтага года сельгасарганізацыямі краіны пастаўлена ўжо 78,3 тыс. т бульбы, што складае 153 працэнты ад заяўленай патрэбнасці. На гэты момант астаткі стабфондаў па бульбе ў рэспубліцы складаюць 5,9 тыс. т.
Улічваючы рост запатрабаванасці бульбы, аблвыканкамамі прынята рашэнне павялічыць плошчы яе пасадкі пад ураджай 2025 года амаль на 3 тыс. га - з 16,8 тыс. га да 19,7 тыс. га.
"Для ўсіх - ад вытворцы да спажыўца - будзе выпрацавана дакладная дарожная карта. Паліцы магазінаў павінны быць запоўнены прадукцыяй у аб'ёме дастатковым для поўнага задавальнення спажывецкага попыту", - падкрэсліў Юрый Горлаў важнасць зладжанай работы ўсіх удзельнікаў ланцужка паставак.-0-
Міністр сельскай гаспадаркі і харчавання Юрый Горлаў правёў нараду па пытаннях забеспячэння ўнутранага рынку бульбай і агародніннай прадукцыяй у цяперашнім міжсезонным перыядзе. Паводле даных Міністэрства антыманапольнага рэгулявання і гандлю, патрэбнасць гандлёвых сетак у бульбе складае 2,1 тыс. т. На нарадзе былі вывучаны рэсурсы, якія маюць вобласці, і разгледжаны прапановы па нарошчванні аб'ёмаў прадукцыі на прылаўках магазінаў.
Так, асноўнымі крыніцамі паступлення бульбы на ўнутраны рынак стануць астаткі стабілізацыйных фондаў і лішкі насеннай бульбы неабходнай харчовай каліброўкі. Абласцямі пацверджана гатоўнасць адгрузіць 2,4 тыс. т бульбы для забеспячэння попыту. Для аператыўнага вырашэння пытанняў арганізавана ўзаемадзеянне гандлёвых сетак з рэгіёнамі.
Як удакладнілі ў прэс-службе Мінсельгасхарча, у 2024 годзе сельскагаспадарчыя арганізацыі і фермерскія гаспадаркі сабралі 758,3 тыс. т бульбы, з якіх 48 тыс. т былі закладзены ў стабілізацыйныя фонды. У гандлёвыя сеткі ў міжсезонны перыяд гэтага года сельгасарганізацыямі краіны пастаўлена ўжо 78,3 тыс. т бульбы, што складае 153 працэнты ад заяўленай патрэбнасці. На гэты момант астаткі стабфондаў па бульбе ў рэспубліцы складаюць 5,9 тыс. т.
Улічваючы рост запатрабаванасці бульбы, аблвыканкамамі прынята рашэнне павялічыць плошчы яе пасадкі пад ураджай 2025 года амаль на 3 тыс. га - з 16,8 тыс. га да 19,7 тыс. га.
"Для ўсіх - ад вытворцы да спажыўца - будзе выпрацавана дакладная дарожная карта. Паліцы магазінаў павінны быць запоўнены прадукцыяй у аб'ёме дастатковым для поўнага задавальнення спажывецкага попыту", - падкрэсліў Юрый Горлаў важнасць зладжанай работы ўсіх удзельнікаў ланцужка паставак.-0-
Падпісвайцеся на нас у
