Мабільная версія
ДЗЯРЖОРГАНЫ

Апошнія навіны
ІНФАГРАФІКА: ID-картка беларуса
Учора 15:31 Стужка навiн
Усе навіны

Мінсельгасхарч: па пастаўках беларускіх прадуктаў харчавання ў Расію ідзе нармальны дыялог

Эканоміка 14.11.2018 | 15:48
Фота з архіва
Фота з архіва

14 лістапада, Мінск /Кар. БЕЛТА/. Па пастаўках беларускіх прадуктаў харчавання ў Расію ідзе нармальны дыялог. Аб гэтым заявіў сёння, адказваючы на пытанні журналістаў, намеснік міністра сельскай гаспадаркі і харчавання Ігар Брыло, перадае карэспандэнт БЕЛТА.

Намеснік міністра адзначыў, што пасля сустрэч віцэ-прэм'ераў, а таксама кіраўнікоў сельскагаспадарчых міністэрстваў і ведамстваў Беларусі і Расіі вызначана дарожная карта па ветэрынарным узаемадзеянні. Ветэрынары сустракаюцца штомесяц, як у Расійскай Федэрацыі, так і ў Беларусі. За апошнія некалькі тыдняў адкрыта каля дзясятка беларускіх прадпрыемстваў для паставак у РФ.

"Я не хачу паглыбляцца ў падрабязнасці таго, як любяць іншым часам інтэрпрэтаваць пра нейкія войны, я хачу сказаць, што ніякай вайны не было і не будзе. Тым больш - з Расійскай Федэрацыяй. У вайне заўсёды ёсць пераможаны, у нашых жа ўзаемаадносінах экспарт прадукцыі толькі павялічваецца. А тыя няроўнасці, якія ўзнікаюць па шэрагу прадпрыемстваў, мы іх здымаем, - падкрэсліў Ігар Брыло. - Усё развіваецца ў свеце: і лабараторная дыягностыка тых ці іншых інгрэдыентаў, якія прысутнічаюць у прадукцыі, і навука працуе, эксперты. Таму мы падцягваемся адзін да аднаго - ідзе нармальны кансалідаваны дыялог".

Як падкрэсліў намеснік міністра, айчынныя перапрацоўчыя прадпрыемствы сёння могуць спакойна адно аднаго дапаўняць. "І калі здараецца сітуацыя па нейкім прадпрыемстве, і Расійская Федэрацыя прыпыняе да пэўных разбораў пастаўкі прадукцыі, то ў нас ёсць прадпрыемствы, якія зоймуць нішу. Праблем ніякіх з гэтым няма", - запэўніў Ігар Брыло.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.