Фота з архіва
16 кастрычніка, Мінск /Кар. БЕЛТА/. У Беларусі распрацавана стратэгія развіцця малочнай галіны на бліжэйшыя 10 гадоў. Аб гэтым паведаміў намеснік міністра сельскай гаспадаркі і харчавання Аляксандр Якоўчыц на пленарным пасяджэнні XI Міжнароднага форуму "Беларусь малочная", перадае карэспандэнт БЕЛТА.
Аляксандр Якоўчыц праінфармаваў, што ў рэспубліцы за дзевяць месяцаў атрымалі на 4,8 працэнта больш малака, чым за аналагічны перыяд мінулага года. "Мы бачым, што па выніках года пераадолеем адзнаку 5%- га росту, атрымаем 9 млн т малака. Для гэтага ёсць усе падставы", - сказаў намеснік міністра.
Ён адзначыў важнасць стратэгічнага планавання, уключаючы вытворчасць і збыт прадукцыі, а таксама аналізу сусветных тэндэнцый для паспяховага развіцця. Таксама ён падкрэсліў неабходнасць узаемадзеяння з партнёрамі з Расійскай Федэрацыі і іншых краін для дасягнення пастаўленых мэт.
"Ключавая задача, якая патрабуе вырашэння ўжо сёння: што будзем вырабляць і куды прадаваць праз 10 гадоў. Мы стратэгічна сфарміравалі план развіцця ў разрэзе кожнага прадпрыемства, кожнага прадукту. На бліжэйшыя 10 гадоў у нас ёсць стратэгія, што будзем вырабляць і куды прадаваць, па ўсіх краінах свету, якія зацікаўлены ў набыцці нашых прадуктаў", - сказаў Аляксандр Якоўчыц.
Намеснік міністра назваў форум, які ўжо стаў традыцыйным, добрай пляцоўкай, дзе прафесіяналы галіны могуць скарэкціраваць свае падыходы і зверыць гадзіннікі.
Міжнародны форум "Беларусь малочная" - штогадовая падзея для кіраўнікоў і спецыялістаў прадпрыемстваў малочнай прамысловасці. У форуме прымаюць удзел уласнікі, топ-менеджары, галоўныя спецыялісты заводаў, айчынныя і замежныя аптовыя пакупнікі. У дзелавой праграме - толькі актуальныя для беларускіх спецыялістаў тэмы і аўтарытэтныя спікеры, жывыя фарматы, нефармальныя сустрэчы і абмен вопытам. Мерапрыемства сабрала амаль 500 дэлегатаў з Беларусі, Расіі, Узбекістана, Казахстана, Славакіі, Польшчы, Турцыі, Грузіі, Сінгапура.
Адбылося ўзнагароджванне лаўрэатаў прэмій "Сто дарог экспарту", "Вялікія зоркі Млечнага Шляху " і інш. Лепшым работнікам галіны ўручаны ганаровыя граматы, падзякі Міністэрства сельскай гаспадаркі і харчавання Рэспублікі Беларусь.-0-
Аляксандр Якоўчыц праінфармаваў, што ў рэспубліцы за дзевяць месяцаў атрымалі на 4,8 працэнта больш малака, чым за аналагічны перыяд мінулага года. "Мы бачым, што па выніках года пераадолеем адзнаку 5%- га росту, атрымаем 9 млн т малака. Для гэтага ёсць усе падставы", - сказаў намеснік міністра.
Ён адзначыў важнасць стратэгічнага планавання, уключаючы вытворчасць і збыт прадукцыі, а таксама аналізу сусветных тэндэнцый для паспяховага развіцця. Таксама ён падкрэсліў неабходнасць узаемадзеяння з партнёрамі з Расійскай Федэрацыі і іншых краін для дасягнення пастаўленых мэт.
"Ключавая задача, якая патрабуе вырашэння ўжо сёння: што будзем вырабляць і куды прадаваць праз 10 гадоў. Мы стратэгічна сфарміравалі план развіцця ў разрэзе кожнага прадпрыемства, кожнага прадукту. На бліжэйшыя 10 гадоў у нас ёсць стратэгія, што будзем вырабляць і куды прадаваць, па ўсіх краінах свету, якія зацікаўлены ў набыцці нашых прадуктаў", - сказаў Аляксандр Якоўчыц.
Намеснік міністра назваў форум, які ўжо стаў традыцыйным, добрай пляцоўкай, дзе прафесіяналы галіны могуць скарэкціраваць свае падыходы і зверыць гадзіннікі.
Міжнародны форум "Беларусь малочная" - штогадовая падзея для кіраўнікоў і спецыялістаў прадпрыемстваў малочнай прамысловасці. У форуме прымаюць удзел уласнікі, топ-менеджары, галоўныя спецыялісты заводаў, айчынныя і замежныя аптовыя пакупнікі. У дзелавой праграме - толькі актуальныя для беларускіх спецыялістаў тэмы і аўтарытэтныя спікеры, жывыя фарматы, нефармальныя сустрэчы і абмен вопытам. Мерапрыемства сабрала амаль 500 дэлегатаў з Беларусі, Расіі, Узбекістана, Казахстана, Славакіі, Польшчы, Турцыі, Грузіі, Сінгапура.
Адбылося ўзнагароджванне лаўрэатаў прэмій "Сто дарог экспарту", "Вялікія зоркі Млечнага Шляху " і інш. Лепшым работнікам галіны ўручаны ганаровыя граматы, падзякі Міністэрства сельскай гаспадаркі і харчавання Рэспублікі Беларусь.-0-
Падпісвайцеся на нас у
