Фота Мінпрама
1 ліпеня, Мінск /Кар. БЕЛТА/. Міністр прамысловасці Беларусі Аляксандр Яфімаў правёў сустрэчу з дэлегацыяй Міністэрства прамысловасці і інфарматызацыі Кітайскай Народнай Рэспублікі на чале з намеснікам кіраўніка ведамства Ван Цзяньпінам, паведамілі карэспандэнту БЕЛТА ў прэс-службе Мінпрама.
У перагаворах з беларускага боку прынялі ўдзел кіраўнікі шэрага рэспубліканскіх органаў дзяржкіравання і арганізацый.
Галоўнымі тэмамі сустрэчы сталі вынікі і перспектывы двухбаковага супрацоўніцтва ў сферы прамысловасці. Асобна бакі абмеркавалі ход рэалізацыі дэталізаванага плана па спалучэнні прамысловай палітыкі Беларусі і Кітая з мэтай яго актуалізацыі.
У сакавіку 2023 года Беларусь і Кітай падпісалі комплексную стратэгію сумеснага прамысловага развіцця, у лістападзе 2023-га - дэталізаваны план па спалучэнні прамысловай палітыкі дзвюх краін, нагадалі ў прэс-службе. Дэталізаваны план напоўнены канкрэтнымі праектамі (напрамкамі) на сярэднетэрміновую перспектыву ў сферы машынабудавання, дрэваапрацоўкі, хімічнай вытворчасці і інфармацыйных тэхналогій. Асноўная мэта - развіваць вытворчую кааперацыю, у тым ліку праз сумесныя вытворчасці на тэрыторыі Беларусі і Кітая, прыцягненне высокатэхналагічных кампетэнцый для рэалізацыі інвестыцыйных праектаў на беларускіх прадпрыемствах і наладжванне прамога ўзаемадзеяння паміж беларускімі і кітайскімі прадпрыемствамі.
Аляксандр Яфімаў канстатаваў, што праз час з'явіліся новыя прапановы па супрацоўніцтве для ўключэння іх у гэты план. "Гэты план можа быць актуалізаваны, дэталізаваны і пашыраны. Нашым бокам накіраваны ў Кітай шэраг прапаноў па дапаўненні плана", - сказаў міністр прамысловасці Беларусі і ўдакладніў, што ёсць магчымасць прапрацаваць план па ўключэнні ў яго прапаноў іншых рэспубліканскіх органаў дзяржаўнага кіравання.
На сустрэчы былі разгледжаны актуальныя пытанні двухбаковага парадку дня. З задавальненнем адзначана ўстойлівае дынамічнае развіццё беларуска-кітайскіх шматгранных адносін і важнасць прадаўжэння актыўнага дыялогу. Бакі выступілі за далейшую інтэнсіфікацыю двухбаковага супрацоўніцтва.-0-
У перагаворах з беларускага боку прынялі ўдзел кіраўнікі шэрага рэспубліканскіх органаў дзяржкіравання і арганізацый.
Галоўнымі тэмамі сустрэчы сталі вынікі і перспектывы двухбаковага супрацоўніцтва ў сферы прамысловасці. Асобна бакі абмеркавалі ход рэалізацыі дэталізаванага плана па спалучэнні прамысловай палітыкі Беларусі і Кітая з мэтай яго актуалізацыі.
У сакавіку 2023 года Беларусь і Кітай падпісалі комплексную стратэгію сумеснага прамысловага развіцця, у лістападзе 2023-га - дэталізаваны план па спалучэнні прамысловай палітыкі дзвюх краін, нагадалі ў прэс-службе. Дэталізаваны план напоўнены канкрэтнымі праектамі (напрамкамі) на сярэднетэрміновую перспектыву ў сферы машынабудавання, дрэваапрацоўкі, хімічнай вытворчасці і інфармацыйных тэхналогій. Асноўная мэта - развіваць вытворчую кааперацыю, у тым ліку праз сумесныя вытворчасці на тэрыторыі Беларусі і Кітая, прыцягненне высокатэхналагічных кампетэнцый для рэалізацыі інвестыцыйных праектаў на беларускіх прадпрыемствах і наладжванне прамога ўзаемадзеяння паміж беларускімі і кітайскімі прадпрыемствамі.
Аляксандр Яфімаў канстатаваў, што праз час з'явіліся новыя прапановы па супрацоўніцтве для ўключэння іх у гэты план. "Гэты план можа быць актуалізаваны, дэталізаваны і пашыраны. Нашым бокам накіраваны ў Кітай шэраг прапаноў па дапаўненні плана", - сказаў міністр прамысловасці Беларусі і ўдакладніў, што ёсць магчымасць прапрацаваць план па ўключэнні ў яго прапаноў іншых рэспубліканскіх органаў дзяржаўнага кіравання.
На сустрэчы былі разгледжаны актуальныя пытанні двухбаковага парадку дня. З задавальненнем адзначана ўстойлівае дынамічнае развіццё беларуска-кітайскіх шматгранных адносін і важнасць прадаўжэння актыўнага дыялогу. Бакі выступілі за далейшую інтэнсіфікацыю двухбаковага супрацоўніцтва.-0-
