15 мая, Масква /Эдуард Півавар - БЕЛТА/. Міністры сельскай гаспадаркі краін Еўразійскага эканамічнага саюза 18 мая ў рэжыме відэасувязі правядуць пасяджэнне Савета па аграпрамысловай палітыцы ЕАЭС. Яны абмяркуюць неадкладныя меры, прыняцце якіх неабходна ва ўмовах распаўсюджвання COVID-19, паведамілі БЕЛТА ў прэс-службе Еўразійскай эканамічнай камісіі.
"Члены савета абмяняюцца думкамі аб прымаемых у дзяржавах саюза мерах па гарантаванні харчовай бяспекі ва ўмовах развіцця пандэміі каранавіруснай інфекцыі і праблемах, якія патрабуюць неадкладнага вырашэння, - адзначылі ў ЕЭК. - Намечана абмеркаваць агульныя прынцыпы і падыходы па гарантаванні харчовай бяспекі, перспектывы развіцця арганічнай сельскай гаспадаркі ў ЕАЭС".
Рашэнне аб стварэнні савета прынята кіраўнікамі дзяржаў ЕАЭС для забеспячэння эфектыўнага ўзаемадзеяння міністэрстваў сельскай гаспадаркі краін саюза пры рэалізацыі ўзгодненай аграпрамысловай палітыкі. У склад савета ўваходзяць міністры сельскай гаспадаркі саюзных краін і члены Калегіі ЕЭК, да сферы дзейнасці якіх аднесены пытанні прамысловасці і аграпрамысловага комплексу, тэхнічнага рэгулявання, санітарных, ветэрынарна-санітарных і каранцінных фітасанітарных мер. У 2020 годзе ў савеце старшынствуе міністр сельскай гаспадаркі і харчавання Беларусі Іван Крупко.-0-
