Мабільная версія
ДЗЯРЖОРГАНЫ

Апошнія навіны
Усе навіны

Міністэрства сувязі і інфарматызацыі зменіць назву і будзе рэгуляваць лічбавую сферу

Эканоміка 14.10.2019 | 15:49
Фота з архіва
Фота з архіва

14 кастрычніка, Мінск /Кацярына Крышэнік - БЕЛТА/. Міністэрства сувязі і інфарматызацыі будзе надзелена паўнамоцтвамі па дзяржаўным рэгуляванні сферы лічбавізацыі. Такое рашэнне прынята сёння па выніку даклада кіраўніку дзяржавы па асобных пытаннях развіцця краіны ў лічбавай сферы, паведаміў журналістам першы намеснік прэм'ер-міністра Аляксандр Турчын, перадае карэспандэнт БЕЛТА.

Пытанне аб неабходнасці стварэння дзяржрэгулятара ў сферы лічбавага развіцця краіны ўжо абмяркоўвалася раней на ўзроўні кіраўніка дзяржавы. У прыватнасці, у час наведвання Прэзідэнтам Парка высокіх тэхналогій у красавіку гэтага года прадстаўнікі ІТ-сектара ініцыявалі стварэнне ў Беларусі міністэрства лічбавай эканомікі. Гэта ідэя па даручэнні Аляксандра Лукашэнкі была дасканала прааналізавана.

"Прынята рашэнне рабіць гэта на базе Міністэрства сувязі і інфарматызацыі, перагледзеўшы пэўны функцыянал, змяніўшы назву міністэрства", - сказаў Аляксандр Турчын. У бліжэйшы час урад унясе на разгляд кіраўніка дзяржавы праекты адпаведных рашэнняў.

Пастаўлена задача ўраду і міністру вывесці работу Міністэрства сувязі і інфарматызацыі на якасна больш высокі ўзровень, каб яно ў цесным супрацоўніцтве працавала з прадстаўнікамі ІТ-сектара, займалася развіццём лічбавізацыі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.