Мінфін у 2024 годзе выдзеліць дадатковыя сродкі на навуковыя даследаванні Дзяржстандарту і Мінпрыроды

 

16 верасня, Мінск /Кар. БЕЛТА/. Пастановай Савета Міністраў ад 12 верасня нумар 671 даручана Міністэрству фінансаў павялічыць у 2024 годзе расходы рэспубліканскага бюджэту па функцыянальнай класіфікацыі, прадугледжаныя для правядзення навукова-даследчых, доследна-канструктарскіх і доследна-тэхналагічных работ, для Дзяржстандарту і Мінпрыроды, паведамляе БЕЛТА са спасылкай на Нацыянальны прававы інтэрнэт-партал.

Так, Дзяржаўнаму камітэту па стандартызацыі на прыкладныя даследаванні ў галіне агульнадзяржаўнай дзейнасці даручана павялічыць фінансаванне на звыш Br154,5 тыс. для рэалізацыі дзяржаўнай навукова-тэхнічнай праграмы "Нацыянальныя эталоны і высокатэхналагічнае даследчае абсталяванне", названай у пераліку дзяржаўных навукова-тэхнічных праграм на 2021-2025 гады.

Міністэрству прыродных рэсурсаў і аховы навакольнага асяроддзя выдзеляць дадатковае фінансаванне на прыкладныя даследаванні ў галіне аховы навакольнага асяроддзя ў памеры больш за Br77 тыс. для рэалізацыі дзяржаўнай навукова-тэхнічнай праграмы "Зялёныя тэхналогіі рэсурсакарыстання і экабяспекі", названай у пераліку дзяржаўных навукова-тэхнічных праграм на 2021-2025 гады.

Пастанова ўступае ў сілу пасля яе афіцыйнага апублікавання.-0-